၂၀၂၆ ကမ္ဘာ့ဖလား ပြိုင်ပွဲရဲ့ အုပ်စု (I) ပွဲစဉ်မှာတော့ ပြင်သစ် အသင်းဟာ ရာသီဥတု အခြေအနေ ဆိုးရွားမှုတွေ ရှိခဲ့ပေမယ့် အီရတ် အသင်းကို ၃-၀ နဲ့ အပြတ်အသတ် အနိုင်ရပြီး ရှုံးထွက် ၃၂ သင်း အဆင့်ဆီကို တက်လှမ်းသွားနိုင်ခဲ့ပါပြီ။ ဒီပွဲမှာ ပြင်သစ် အသင်းခေါင်းဆောင် အမ်ဘာပေးက သူ့ရဲ့ နိုင်ငံလက်ရွေးစင် သက်တမ်း ပွဲ ၁၀၀ ပြည့်မြောက်မှုကို ၂ ဂိုး သွင်းယူပြီး ဂုဏ်ယူနိုင်ခဲ့သလို၊ လက်ရှိ ကမ္ဘာ့ဖလား မှာလည်း သွင်းဂိုး ၄ ဂိုးအထိ ရှိလာခဲ့ပြီ ဖြစ်ပါတယ်။
ဖီလာဒဲလ်ဖီးယား ကွင်းကြီးထဲမှာ ကစားခဲ့တဲ့ ဒီပွဲဟာ ထူးထူးခြားခြားပဲ ကွင်းအနီးအနားမှာ မိုးသက်မုန်တိုင်းတွေ တိုက်ခတ်ခဲ့လို့ ပထမပိုင်း အပြီး အနားယူချိန်ကို ၂ နာရီနဲ့ မိနစ် ၂၀ ကြာ အထိ ရပ်နားထားခဲ့ရပါတယ်။ ဒါပေမယ့် ရာသီဥတုက ကမ္ဘာ့ချန်ပီယံဟောင်း ပြင်သစ် တို့ရဲ့ အရှိန်ကို မတားဆီးနိုင်ခဲ့ပါဘူး။ ပြင်သစ် အသင်းဟာ ပွဲစကတည်းက ဖိအားပေး ကစားခဲ့ပြီး ပွဲချိန် ၁၄ မိနစ်မှာတင် အမ်ဘာပေးက အဖွင့်ဂိုး စတင်သွင်းယူခဲ့ပါတယ်။ မိုက်ကယ် အိုလီဆေးနဲ့ ဝမ်းတူး ရိုက်ကစားပြီးနောက် အမ်ဘာပေးက စည်းအပြင်ကနေ လှလှပပ ကွေ့ဝိုက် ကန်သွင်းယူခဲ့တာ ဖြစ်ပြီး အီရတ် ဂိုးသမား အာမက် ဘာဆေလ် လက်ဖျားနဲ့ ထိခဲ့ပေမဲ့ မကာကွယ်နိုင်ခဲ့ပါဘူး။
ပထမပိုင်း Hydration break မှာတော့ အီရတ် တိုက်စစ်မှူး အိုင်မင် ဟူစိန် ဒဏ်ရာရသွားလို့ သူ့အစား အလီ အယ်လ် ဟာမာဒီ ဝင်လာခဲ့ပါတယ်။ ဟာမာဒီဟာ ကွင်းထဲဝင်လာပြီး မကြာခင်မှာပဲ ခေါင်းတိုက်ချက် တစ်ကြိမ် ဘေးချော်သွားခဲ့လို့ ပြင်သစ်တို့ ကံကောင်းခဲ့ပါတယ်။ အဲဒီနောက် အမ်ဘာပေးက အီရတ် နောက်ခံလူ ဇိုက် အစ္စမေးလ်ရဲ့ ပေးပို့မှု အမှား ကနေ တစ်ဆင့် ကွင်းလယ်စည်းနား ကနေ ဂိုးပေါက်ကို လှမ်းသွင်းခဲ့ပေမယ့် ဘားတန်းပေါ် ကျော်သွားခဲ့ပါတယ်။
ဒုတိယပိုင်း မှာတော့ အီရတ် အသင်းရဲ့ အမှားကနေ ပြင်သစ်တို့ ဒုတိယဂိုး ရခဲ့ပါတယ်။ ပွဲချိန် ၅၄ မိနစ်မှာ အီရတ် နောက်ခံလူ ဇိုက် တာဆင်းရဲ့ ဂိုးကန်တင်မှု မသေချာတာကို ဂိုးသမားက ဖမ်းရခက်သွားပြီး အနားမှာရှိနေတဲ့ အူစမန်နီ ဒမ်ဘီလီက လျက်တပြတ် လုယူကာ အမ်ဘာပေးဆီ ပံ့ပိုးပေးခဲ့တာကြောင့် အမ်ဘာပေးက အလွတ်ကြီး ပိတ်သွင်းပြီး ၂ ဂိုးပြတ် ဦးဆောင်နိုင်စေခဲ့ပါတယ်။
အဲဒီနောက်မှာလည်း ပြင်သစ်တို့ အခွင့်အရေးတွေ ဆက်တိုက်ရခဲ့ပြီး အိုလီဆေးရဲ့ ကန်ချက် ဘားတန်းထိခဲ့သလို၊ ဒမ်ဘီလီရဲ့ ကန်ချက်ကိုလည်း အီရတ် ဂိုးသမား လက်စွမ်းပြ ပုတ်ထုတ်နိုင်ခဲ့ပါတယ်။ ဒါပေမယ့် ပွဲချိန် ၆၆ မိနစ်မှာတော့ ဒမ်ဘီလီတစ်ယောက် ပရိသတ်တွေကို စိတ်ပျက်မအောင် လုပ်နိုင်ခဲ့ပါပြီ။ သူဟာ အီရတ် နောက်ခံလူကို လှလှပပ လှည့်ထွက်ပြီး ဂိုးသမား အောက်ကနေ မြေလှိမ့် ကန်ချက်နဲ့ ပြင်သစ်အတွက် တတိယမြောက် အနိုင်ဂိုးကို သွင်းယူပေးခဲ့ပါတယ်။ ဒါဟာ ဒမ်ဘီလီ အတွက် အဓိက ပြိုင်ပွဲကြီးတွေမှာ ကစားခဲ့တဲ့ မိနစ် ၂၀ အတွင်း ပထမဆုံးရရှိတဲ့ သွင်းဂိုးလည်း ဖြစ်ပါတယ်။
ပွဲနှောင်းပိုင်းမှာ အီရတ်အသင်းက ချေပဂိုး တစ်ဂိုး ရဖို့ ကြိုးစားခဲ့ပြီး အယ်လ် ဟာမာဒီက ပြင်သစ် နောက်ခံလူ လူကပ်စ် ဒစ်ဂ်နီးရဲ့ ဖိအားပေးမှု ကြားကနေ လှမ်းပိတ်ခဲ့ပေမဲ့ ဘေးချော်သွားခဲ့ပါတယ်။ ပွဲပြီးခါနီးမှာ အမ်ဘာပေး ဟက်ထရစ် ရမယ့် အခွင့်အရေး လွဲချော်ခဲ့ပြီး ပွဲကတော့ ၃-၀ နဲ့ပဲ ပြီးဆုံးသွားခဲ့ပါတယ်။
လက်ရှိ မှာတော့ လီယွန်နယ် မက်ဆီက ကမ္ဘာ့ဖလား သွင်းဂိုး ၁၈ ဂိုးနဲ့ သမိုင်းတစ်လျှောက် ဂိုးအများဆုံး သွင်းသူ အဖြစ် စံချိန်တင်ထားပါတယ်။ ဒါပေမယ့် အသက် ၂၇ နှစ်နဲ့ ၁၈၄ ရက်သာ ရှိသေးပြီး ပြင်သစ် အသင်း အတွက် ပွဲ ၁၀၀ ပြည့်တဲ့ အသက်အငယ်ဆုံး ကစားသမား ဖြစ်လာတဲ့ အမ်ဘာပေး ကတော့ လက်ရှိမှာ ၁၆ ဂိုး နဲ့ ဂျာမနီဂန္ထဝင် မီရိုဆလပ်ဗ် ကလိုဆေးနဲ့ ဂိုးတူသွားပြီဖြစ်လို့ မက်ဆီရဲ့ စံချိန်ကို အနီးကပ် လိုက်လံ ဖိအားပေးနေပါတယ်။ ဒါ့အပြင် အမ်ဘာပေးဟာ ကမ္ဘာ့ဖလား ပြိုင်ပွဲ ၃ ပွဲ ဆက်တိုက်မှာ ၂ ဂိုးနဲ့အထက် သွင်းယူနိုင်တဲ့ စတုတ္ထမြောက် ကစားသမားလည်း ဖြစ်လာခဲ့ပါတယ်။ သူ့မတိုင်ခင်က ၁၉၅၄ မှာ ဆန်ဒေါ ကော့ဆစ်၊ ၁၉၃၀ မှာ ဂွီလာမို စတာဘီလီ နဲ့ ၂၀၂၆ မှာ မက်ဆီတို့ပဲ ဒီလိုလုပ်နိုင်ခဲ့တာပါ။
အီရတ် အသင်း အနေနဲ့ ကတော့ နောက်တစ်ဆင့်ကို အကောင်းဆုံး တတိယရ အသင်း အဖြစ် တက်လှမ်းနိုင်ဖို့ ဆိုရင် နောက်ဆုံးပွဲမှာ ဆီနီဂေါကို မဖြစ်မနေ အနိုင်ကန်ရတော့မှာပါ။ ဒါပေမယ့် သူတို့ရဲ့ ခံစစ်ပိုင်း အမှားတွေ ကိုတော့ ပြင်ဆင်ရပါလိမ့်မယ်။ အီရတ် အသင်းဟာ အခုကမ္ဘာ့ဖလားမှာ ဂိုးပေးလိုက်ရတဲ့ အထိ ဖြစ်စေတဲ့ အမှားမျိုး ၃ ကြိမ်အထိ ပြုလုပ်ထားပြီး ဒါဟာ တူနီးရှား အသင်း (၅ ကြိမ်) ပြီးရင် ဒုတိယ အများဆုံး အမှားကျူးလွန်ထားတဲ့ အသင်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
