နည်းပြ ဒီဒီယာ ဒက်စ်ရွှမ့်စ်ဟာ အင်္ဂလန်နဲ့ ကစားခဲ့တဲ့ ကမ္ဘာ့ဖလား တတိယနေရာလုပွဲမှာ ၁၀ ဂိုး အထိ သွင်းယူခဲ့ကြတဲ့ ပွဲအပြီး ပြင်သစ် အသင်းကို နောက်ဆုံး အကြိမ် ကိုင်တွယ်ခဲ့ပါတယ်။ ဒက်စ်ရွှမ့်စ်ဟာ ၂၀၂၆ ကမ္ဘာ့ဖလား အပြီး သက်တမ်း ကုန်ဆုံးမယ့် သူ့ရဲ့ စာချုပ်ကို သက်တမ်း မတိုးတော့ဘဲ နုတ်ထွက်မယ်လို့ ၂၀၂၅ ဇန်နဝါရီကတည်းက ကြိုတင်ကြေညာခဲ့တာပါ။
အင်္ဂလန်ကို ၆ ဂိုး ၄ ဂိုးနဲ့ ရှုံးနိမ့်ခဲ့တဲ့ ပွဲဟာ ဒက်စ်ရွှမ့်စ် အတွက် ပြင်သစ် အသင်းကို ၁၈၇ ပွဲမြောက် နောက်ဆုံး ကိုင်တွယ်မှု ဖြစ်ပြီး၊ သူ့လက်ထက်မှာ ဂိုးအများဆုံး ပေးခဲ့ရတဲ့ ပွဲလည်း ဖြစ်သွားပါတယ်။ ဒါ့အပြင် သူဟာ ကမ္ဘာ့ဖလား သမိုင်းတစ်လျှောက် ပွဲအများဆုံး (၂၇ ပွဲ) ကိုင်တွယ်ခဲ့တဲ့ နည်းပြ အဖြစ်လည်း မှတ်တမ်းဝင်ခဲ့ပါတယ်။
၁၄ နှစ်ကြာ ဖြတ်သန်းခဲ့တဲ့ ခရီးလမ်းမှာ ခါးသီးတဲ့ အခိုက်အတန့်တွေရှိခဲ့လို့ အခုလို ဆုံးဖြတ်ခဲ့တာ ဖြစ်ကြောင်း ဒက်စ်ရွှမ့်စ်က “ ကျွန်တော် ရပ်တန့်ဖို့ ဆုံးဖြတ်ခဲ့ပါတယ်။ တကယ်ပြောရရင် ဒါဟာ ကျွန်တော့် အတွက် မဟုတ်ပါဘူး။ ပြင်သစ် အသင်းရဲ့ အကျိုးအတွက်ပါ။ ဘာလို့လဲဆိုတော့ ပတ်ဝန်းကျင်ရဲ့ ဖိအားတွေက ကျွန်တော့် အတွက် မခံမရပ်နိုင်အောင် ဖြစ်လာလို့ပါ။ ပြင်သစ် အသင်းဟာ ဒီလို အခြေအနေမျိုးနဲ့ မထိုက်တန်ပါဘူး။ ဒါဟာ ချက်ချင်း ထလုပ်တဲ့ ဆုံးဖြတ်ချက် မဟုတ်ဘဲ သေချာ စဉ်းစားခဲ့တာပါ။
ကျွန်တော် နှုတ်ထွက်မယ်လို့ ကြေညာပြီးကတည်းက အသင်းရဲ့ အခြေအနေတွေ ပိုကောင်းလာခဲ့ပါတယ်။ တကယ်တော့ ကမ္ဘာ့ဖလား မတိုင်ခင် ဒါမှမဟုတ် ကမ္ဘာ့ဖလား ပြိုင်ပွဲ အတွင်း မှာလည်း ကျွန်တော် ဆုံးဖြတ်ချက်ချနိုင်ခဲ့ပေမယ့် အသင်း အပေါ် အလွန် လေးစားတာကြောင့် မလုပ်ခဲ့တာပါ။” လို့ M6 မီဒီယာကို ပြောကြားခဲ့ပါတယ်။
မိုင်ယာမီမှာ ကစားခဲ့တဲ့ ဒီပွဲရဲ့ ဒုတိယပိုင်း မှာတော့ ပြင်သစ် အသင်းဟာ ရုန်းကန် ကစားခဲ့ပြီး ဒက်စ်ရွှမ့်စ် အတွက်လည်း စိတ်လှုပ်ရှားစရာ ကောင်းခဲ့ပါတယ်။ သူက ဆက်လက်ပြီး “ဒါဟာ အလှပဆုံး အရာ တစ်ခုရဲ့ ပြီးဆုံးခြင်းပါပဲ။ ကျွန်တော် ၂၀၁၂ မှာ စတင် ကမ္ဘာ့ဖလား အသင်းကို ကိုင်တွယ်ကတည်းက ပြင်သစ် အသင်းကို အရာရာထက် ဦးစားပေးခဲ့ပါတယ်။ ဘာဖြစ်လို့လဲ ဆိုတော့ ကမ္ဘာပေါ်က ဘယ်လောက်ပဲ ကြီးကျယ်တဲ့ ကလပ်အသင်းတွေကို ကိုင်တွယ်ခဲ့ပါစေ၊ ပြင်သစ် အသင်းထက် ပိုအရေးကြီးတာ ဘာမှ မရှိလို့ပါ။
အခုနေ့ဟာ အရမ်း ထူးခြားတဲ့ နေ့တစ်နေ့ ဖြစ်ခဲ့ပြီး ကျွန်တော့်ဆီကို အရမ်းလှပတဲ့ မက်ဆေ့ခ်ျတွေ ရောက်လာခဲ့ပါတယ်။ ဒါတွေကို ဖတ်ကြည့်ရင်း ကျွန်တော် မငိုဘဲ မနေနိုင်ခဲ့ပါဘူး။ ဘယ်သူတွေဆီကလဲ၊ ဘာကြောင့်လဲ ဆိုတာတော့ မမေးပါနဲ့။ ဒါတွေဟာ ကျွန်တော် တန်ဖိုးထားရတဲ့ လူတွေဆီက လာတာမို့ ရင်ထဲကို တကယ်ထိရှမိပါတယ်။” လို့ ရင်ဖွင့်ခဲ့ပါတယ်။
ပွဲအခြေအနေ မှာတော့ ပြင်သစ် အသင်းဟာ ပထမပိုင်းမှာ ခြေစွမ်းမပြနိုင်ဘဲ ၄ ဂိုး ၀ ဂိုးနဲ့ အရေးနိမ့်နေခဲ့ပေမယ့်၊ ဒုတိယပိုင်းမှာ ကီလီယန် အမ်ဘာပေးရဲ့ သွင်းဂိုး ၂ ဂိုးနဲ့ အတူ အကောင်းဆုံး တုံ့ပြန်နိုင်ခဲ့ပါတယ်။ ၄ ဂိုး ၃ ဂိုး အထိ လိုက်မှီခဲ့ပြီး အခွင့်အရေးတွေ အများကြီးရခဲ့ပေမယ့် အသုံးမချနိုင်ခဲ့လို့ အင်္ဂလန် အသင်းက ကြေးတံဆိပ်ဆုကို ရရှိသွားခဲ့တာပါ။
ဇီဒန်းနဲ့ အစားထိုးခံရဖို့ ရှိနေတဲ့ ဒက်စ်ရွှမ့်စ်က ပွဲအပြီးမှာ “ဒါဟာ ရှုံးနိမ့်မှုတစ်ခုပါ။ ပထမပိုင်းမှာ ကျွန်တော်တို့ ၄ ဂိုးပြတ် ရှုံးနေခဲ့ပြီး ပွဲက ကြည့်ရဆိုးခဲ့ပါတယ်။ ဒါပေမယ့် ဒုတိယပိုင်းမှာ ကျွန်တော်တို့ ကောင်းကောင်း ပြန်လည် တုံ့ပြန်နိုင်ခဲ့ပြီး ၄ ဂိုး ၄ ဂိုးဖြစ်ဖို့ နှစ်ကြိမ်တောင် အခွင့်အရေး ရခဲ့ပါတယ်။ ဒါဟာ ကျွန်တော်တို့ လုပ်နိုင်တဲ့အရာ ဖြစ်ပေမယ့် မလုပ်နိုင်ခဲ့တာပါ။ ပထမပိုင်းမှာ ကျွန်တော် မလုပ်ဆောင်နိုင်ခဲ့လို့ ဒါဟာ ကျွန်တော့်ရဲ့ အမှားပါပဲ။ ရှုံးနိမ့်မှုက နာကျင်ရပေမယ့် တတိယနေရာ ရခဲ့ရင် ပိုကောင်းမှာပါ။
ကျွန်တော်တို့ မျှော်မှန်းချက်တွေ အများကြီးနဲ့ လာခဲ့တာ ဖြစ်ပြီး ကောင်းမွန်တဲ့ အရာတွေ အများကြီး လုပ်နိုင်ခဲ့ပါတယ်။ အားကစားလောကမှာ စိတ်ပျက်စရာတွေ ကတော့ ရှိနေမှာပါ။ ကျွန်တော်တို့ ပြင်သစ် ပြည်သူ သန်းပေါင်းများစွာကို ပျော်ရွှင် ကြည်နူးမှုတွေ ပေးနိုင်ဖို့ အခွင့်အရေး ရခဲ့ပါတယ်။ ဒါဟာ ကမ္ဘာ့ဖလား ပွဲပါ၊ ဒီထက် လှပတာ မရှိပါဘူး။
ပြင်သစ် အသင်းရဲ့ ဂျာစီကို ဝတ်ဆင်ခွင့်ရတာထက် ပိုလှပတဲ့ အရာ ဘာမှမရှိပါဘူး။” လို့ ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
