အာဂျင်တီးနား အသင်းရဲ့ ကမ္ဘာ့ဖလား ချန်ပီယံဆု ကာကွယ်ပွဲ ကတော့ တကယ့်ကို လှလှပပနဲ့ စတင်လိုက်နိုင်ပြီပဲ ဖြစ်ပါတယ်။ မက်ဆီရဲ့ အံ့မခန်း ဦးဆောင်မှုနဲ့ အတူ အာဂျင်တီးနားက အယ်လ်ဂျီးရီးယားကို ၃ ဂိုး-ဂိုးမရှိနဲ့ အပြတ်အသတ် အနိုင်ရပြီး အုပ်စု (J) မှာ ပွဲဦးထွက် လှပခဲ့တာပါ။
ဒီပွဲမှာ အသက် ၃၈ နှစ်အရွယ် သမ္ဘာရင့် ကမ္ဘာ့အကောင်းဆုံး ကစားသမား လီယွန်နယ် မက်ဆီ ကတော့ ကမ္ဘာ့ဖလား ပြိုင်ပွဲ သမိုင်းတစ်လျှောက် ပြိုင်ပွဲ ၆ ကြိမ်ဆက် ပါဝင်ကစားခွင့်ရတဲ့ ပထမဦးဆုံး ကစားသမား အဖြစ် မှတ်တမ်းသစ် တင်နိုင်ခဲ့သလို၊ သူ့ရဲ့ နိုင်ငံတကာပွဲ ၂၀၀ ပြည့်မြောက်တဲ့နေ့မှာ တင်ဆက်လိုက်တဲ့ “ မက်ဆီ ရှိုး” ကြောင့် ကန်းဆက်စီးတီး ကွင်းကြီးထဲက ပရိသတ်တွေ ရူးခါသွားခဲ့ရပါတယ်။
ကွင်းထဲမှာ NFL စူပါစတား ပက်ထရစ် မာဟုမ်းစ် တို့လို နာမည်ကျော်တွေ လာကြည့်နေတဲ့ ကြားကပဲ မက်ဆီက ဂျာမနီ ဂန္ထဝင် မီရိုဆလပ် ကလိုဆေးရဲ့ ကမ္ဘာ့ဖလား သွင်းဂိုး ၁၆ ဂိုး စံချိန်ကို လိုက်မှီသွားခဲ့ပါတယ်။ အစောပိုင်းပွဲတွေမှာ ကီလီယန် အမ်ဘာပေးနဲ့ အာလင်း ဟာလန်း တို့က ဂိုးတွေ သွင်းပြီး ရွှေဖိနပ်ဆု အတွက် တာထွက်လှနေခဲ့ကြတာ ဖြစ်ပါတယ်။ ဒါပေမယ့်လည်း မက်ဆီ ကတော့ ကမ္ဘာ့ဖလား ပွဲဦးထွက် နှစ် ၂၀ ပြည့်တဲ့နေ့ မှာတင် သူ့ရဲ့ သမိုင်းတစ်လျှောက် ပထမဦးဆုံးသော ကမ္ဘာ့ဖလား ဟက်ထရစ်ကို သွင်းယူပြီး တားမနိုင်ဆွဲမရ တောက်ပပြလိုက်တာပဲ ဖြစ်ပါတယ်။
ပွဲအစမှာ မက်ဆီ သွင်းတဲ့ ဂိုးတစ်ဂိုး လူကျွံဘော ဖြစ်ခဲ့သလို၊ အယ်လ်ဂျီးရီးယား ဘက်က ဖာရက်စ် ချိုင်ဘီ သွင်းတဲ့ ဂိုးလည်း လူကျွံဖြစ်ခဲ့လို့ ပွဲက တကယ့်ကို အကြိတ်အနယ် ရှိခဲ့တာပါ။ ဒါပေမယ့် ပွဲချိန် ၁၇ မိနစ် မှာတော့ မက်ဆီက ဒီပေါလ်ရဲ့ ဖန်တီးပေးမှု ကနေ တဆင့် ဂိုးဧရိယာ အပြင်ဘက်ကနေ ထောင့်ဖြတ် ကန်သွင်းပြီး ပထမ ဦးဆောင်ဂိုးကို လှလှပပ စတင် သွင်းယူပေးခဲ့ပါတယ်။
ဒုတိယပိုင်း ပွဲချိန် မိနစ် ၆၀ မှာတော့ ဇီဒန်းရဲ့ သား လူးကပ်စ် ဇီဒန်း ဂိုးသမား အဖြစ် အစောင့်အရှောက်ကောင်းနေတဲ့ ကြားက မက်အယ်လစ္စတာရဲ့ ကန်ချက် ပုတ်ထုတ်လိုက်တာကို မက်ဆီက ညာခြေနဲ့ အပိုင်ပိတ်သွင်းပြီး ဒုတိယဂိုး ယူပေးခဲ့ပါတယ်။ ပွဲပြီးခါနီး ၇၆ မိနစ် မှာတော့ နီကို ဂွန်ဇာလက်ဇ်နဲ့ အပေးအယူ လုပ်ပြီး မက်ဆီရဲ့ သဘာဝအတိုင်း ဘယ်ခြေနဲ့ ဝိုက်ကန်ပြီး တတိယမြောက် ဟက်ထရစ်ဂိုးကို အဆုံးသတ်ကာ ပရိသတ်တွေကို အောင်ပွဲခံ ဆုလာဘ် ပေးခဲ့ပါတယ်။
အမေရိကန်ရဲ့ ဘောလုံးအချက်အချာ ကန်ဆတ်စီးတီးကွင်းကြီးထဲမှာ မက်ဆီ တစ်ယောက် ဂိုးကန်ချက် ၆ ကြိမ် အထိ ရှိခဲ့ပြီး ဒါဟာ ၂၀၂၂ ကမ္ဘာ့ဖလား ဖိုင်နယ်ထက်တောင် ပိုများပါတယ်။ ဒါ့အပြင် အခွင့်အရေး ဖန်တီးမှု ၂ ကြိမ်နဲ့ ပွဲအပြီးမှာ အကောင်းဆုံး ကစားသမား ဖြစ်ခဲ့ပါတယ်။
ဒီပွဲမှာ မက်ဆီ ချိုးဖျက်သွားတဲ့ စံချိန်တွေ ကတော့ တကယ့်ကို မယုံနိုင်စရာပါပဲ။ အသက် ၃၈ နှစ်နဲ့ ၃၅၇ ရက်မှာ ဟက်ထရစ် သွင်းပြီး ၂၀၁၈ တုန်းက စီရော်နယ်ဒို တင်ထားတဲ့ (၃၃ နှစ်) စံချိန်ကို ကျော်ဖြတ်ကာ ကမ္ဘာ့ဖလား သမိုင်းတစ်လျှောက် အသက်အကြီးဆုံး ဟက်ထရစ်သွင်းသူ ဖြစ်လာခဲ့ပါတယ်။
အာဂျင်တီးနား ကစားသမားတွေထဲမှာ ကမ္ဘာ့ဖလား ၅ ပွဲ ဆက်တိုက် ဂိုးသွင်းနိုင်တဲ့ ပထမဆုံး ကစားသမား ဖြစ်လာပြီး ဂန္ထဝင်တွေ ဖြစ်တဲ့ ခရက်စ်ပို နဲ့ စတာဘိုင်း တို့ရဲ့ စံချိန်ကို ကျော်ဖြတ်ခဲ့ပါတယ်။ အံ့ဩဖို့ကောင်းတာက မက်ဆီဟာ အသက် ၃၅ နှစ် ကျော်ပြီးမှ ကမ္ဘာ့ဖလား သွင်းဂိုး ၁၀ ဂိုး အထိ ရရှိထားတာ ဖြစ်ပါတယ်။ ဒါဟာ သူ့ရဲ့ ကစားသမားဘဝ ၆၁ ကြိမ်မြောက် ဟက်ထရစ်လည်း ဖြစ်ပါတယ်။
အာဂျင်တီးနား အသင်းဟာ ၂၀၂၂ ကမ္ဘာ့ဖလား ချန်ပီယံ လူစာရင်းက ကစားသမား ၁၀ ယောက် အထိ ပွဲထွက် ကစားစေခဲ့ပြီး အချိတ်အဆက်မိမိနဲ့ လက်ရှိ ချန်ပီယံ ပီသတဲ့ ခြေစွမ်းကို ပြသသွားခဲ့ပါတယ်။ အခုဆိုရင် မက်ဆီဟာ နောက်ထပ် ၁ ဂိုးတည်း သွင်းရုံနဲ့ ကမ္ဘာ့ဖလား သမိုင်းတစ်လျှောက် ဂိုးအများဆုံး ဂိုးသွင်းရှင် အဖြစ် တစ်ဦးတည်း စံချိန်တင်တော့မှာ ဖြစ်လို့ ဒီနှစ် ကမ္ဘာ့ဖလားမှာ အာဂျင်တီးနားနဲ့ မက်ဆီတို့ ဘယ်လောက်အထိ ခရီးပေါက်မလဲ ဆိုတာ ရင်ခုန်စရာ စောင့်ကြည့်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
