ဒိန်းမတ် တိုက်စစ်မှူး ရက်စ်မတ်စ် ဟွိုက်ဂျ်လန်းက သူနဲ့ ရိုမယ်လူ လူကာကူသာ နာပိုလီမှာ တွဲဖက် ကစားခွင့်ရမယ် ဆိုရင် အလွန်တောင့်တင်းတဲ့ တိုက်စစ် အတွဲအဖက် တစ်ခု ဖြစ်လာလိမ့်မယ်လို့ ယုံကြည်နေပါတယ်။ ပြီးခဲ့တဲ့ ရာသီက နာပိုလီတို့ စီးရီးအေ ချန်ပီယံဆု ဆွတ်ခူးနိုင်ခဲ့စဉ်မှာ လူကာကူဟာ အသင်း အတွက် ၁၄ ဂိုး အထိ သွင်းယူပေးခဲ့ပြီး အသင်းရဲ့ ဂိုးသွင်း အများဆုံး ကစားသမားလည်း ဖြစ်ခဲ့ပါတယ်။ ဒါပေမယ့် ဒီရာသီ မှာတော့ ဘယ်လ်ဂျီယံသားက ရာသီကြို ခြေစမ်းပွဲတွေ အပြီးမှာ ပေါင်ခြံ ဒဏ်ရာရရှိခဲ့ကြောင့် အနားယူနေရပြီး နာပိုလီ အတွက် တစ်ပွဲမှ မကစားပေးနိုင်သေးပါဘူး။
မန်ချက်စတာယူနိုက်တက် တိုက်စစ်မှူးဟောင်း ဟွိုက်ဂျ်လန်း ကတော့ လာမယ့် တနင်္ဂနွေနေ့မှာ ယှဉ်ပြိုင်ရမယ့် ဂျူဗင်တပ်စ်နဲ့ ပွဲစဉ် မတိုင်ခင် သူနဲ့ လူကာကူတို့ တွဲဖက် ကစားနိုင်ခြေနဲ့ ပတ်သက်ပြီး အခုလို ပြောကြားခဲ့ပါတယ်။ ဟွိုက်ဂျ်လန်းက “သူ (လူကာကူ) ဘယ်လ်ဂျီယံမှာ ဆေးကုသမှု ခံယူပြီး ပြန်ရောက်လာ ကတည်းက ကျွန်တော့်ကို အများကြီး ကူညီပေးခဲ့ပါတယ်။ သူဟာ အသင်းနဲ့ အတူ အချိန် တော်တော်များများ ရှိနေပေးပါတယ်။” လို့ ဟွိုက်ဂျ်လန်းက DAZN Italia ကို ပြောကြားခဲ့ပါတယ်။
ဆက်လက်ပြီး ဟွိုက်ဂျ်လန်းက “ကျွန်တော်တို့ နှစ်ယောက်စလုံးဟာ ကွင်းထဲမှာ တစ်ယောက်နဲ့ တစ်ယောက် အားဖြည့်ပေးနိုင်ပါတယ်။ ဒါဟာ နေရာလုရတဲ့ ပြိုင်ဘက်တွေ အဖြစ်ရော၊ တွဲဖက် ကစားဖော်တွေ အဖြစ်ပါ ကောင်းမွန်တဲ့ အချက်ပါ။ ဒါကို ဆုံးဖြတ်ဖို့က ကျွန်တော့် တာဝန် မဟုတ်ပေမယ့် ကျွန်တော်တို့ နှစ်ယောက် အတူတူ တွဲကစားလို့ ရမလားလို့ မေးလာရင်တော့ ‘ရတာပေါ့’ လို့ပဲ ဖြေရပါမယ်။ အတူတူ မကစားနိုင်စရာ အကြောင်း မရှိပါဘူး။” လို့ ဆိုပါတယ်။
နာပိုလီ ကတော့ အခုတစ်ပတ် စီးရီးအေမှာ ဂျူဗင်တပ်စ်ကို အဝေးကွင်းမှာ သွားရောက် ရင်ဆိုင်ရမှာ ဖြစ်ပါတယ်။ နာပိုလီဟာ လက်ရှိ စီးရီးအေ အမှတ်ပေးဇယားမှာ အဆင့် ၃ နေရာမှာ ရှိနေပြီး လူစီယာနို စပယ်လက်တီရဲ့ ဂျူဗင်တပ်စ် ကတော့ အဆင့် ၆ နေရာမှာ ရှိနေပါတယ်။ ဒီပွဲနဲ့ ပတ်သတ်လို့တော့ ဟွိုက်ဂျ်လန်းက “ဒီပွဲက ကျွန်တော်တို့ အတွက်ရော သူတို့ အတွက်ပါ အလွန်ပဲ အရေးကြီးတဲ့ ပွဲပါ။ ဇယားထိပ်ပိုင်းမှာ ကျွန်တော်တို့ ရှိနေသင့်တယ် ဆိုတာကို သက်သေပြဖို့ အခွင့်အရေး တစ်ခုလည်း ဖြစ်ပါတယ်။ ဂျူဗင်တပ်စ်ဟာ နည်းပြသစ် လက်အောက်မှာ အတော်လေး ခြေစွမ်းပြနေပေမယ့် ကျွန်တော်တို့ သူတို့ ကွင်းကို သွားပြီး ကိုယ့်ကိုယ်ကိုယ် ထပ်ပြီး သက်သေပြနိုင်ဖို့ မျှော်လင့်ထားပါတယ်။” လို့လည်း ဟွိုက်ဂျ်လန်းက ဖြည့်စွက် ပြောကြားခဲ့ပါတယ်။
ဂျူဗင်တပ်စ်နဲ့ ကစားမယ့် အခုတစ်ပတ် ပွဲစဉ်ဟာ နာပိုလီရဲ့ စီးရီးအေ ချန်ပီယံဘွဲ့ကို ကာကွယ်ရေး ရည်မှန်းချက် အတွက် တော်တော်လေး အရေးကြီးနေတဲ့ ပွဲစဉ် ဖြစ်ပါတယ်။ တစ်ဖက်မှာ အင်တာမီလန်က ဂိုးပြတ် နိုင်ပွဲ ရခဲ့ချိန်၊ အေစီမီလန်နဲ့ ရိုးမားတို့ ထိပ်တိုက် တွေဆုံနေချိန်မှာ ကွန်တီရဲ့ အသင်း အနေနဲ့ မဖြစ်မနေ အခွင့်ကောင်းယူနိုင်ဖို့ လိုအပ်နေပါတယ်။ လက်ရှိ မှာတော့ နာပိုလီက အမှတ်ပေးဇယား ထိပ်က အင်တာမီလန်နဲ့ ၉ မှတ် ကွာဟနေပြီး အေစီမီလန်နဲ့တော့ ၃ မှတ် ကွာဟနေပါတယ်။
ဂျူဗင်တပ်စ်နဲ့ နောက်ဆုံး ၄ ကြိမ် ထိပ်တိုက် တွေ့ဆုံမှုကို ပြန်ကြည့်မယ် ဆိုရင်တော့ နာပိုလီက လုံးဝ မရှုံးထားသလို ပြီးခဲ့တဲ့ ရာသီ ကလည်း ဂျူဗင်တပ်စ် အိမ်ကွင်းမှာ သရေ ကစားထားနိုင်ပါတယ်။ ဒါပေမယ့်လည်း ဒီဘရွန်းနား၊ နီရက်စ်၊ အန်ဂစ်ဆာ တို့ အပါအဝင် အဓိက ကစားသမား ၇ ဦးလောက် ပါဝင်နိုင်မှာ မဟုတ်ခြင်းက ကွန်တီရဲ့ အသင်းကို သိသိသာသာ အားနည်းနေစေမှာ သေချာပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
