အေစီမီလန် ကတော့ အိမ်ကွင်းမှာ ပါးမားကို ရှုံးနိမ့်ခဲ့တာကြောင့် စီးရီးအေ အမှတ်ပေးဇယား ထိပ်ဆုံးက အင်တာမီလန်နဲ့ ၁၀ မှတ် အထိ ကွာဟသွားခဲ့ပြီ ဖြစ်ပါတယ်။ ဒါပေမယ့် အေစီမီလန် လက်ထောက် နည်းပြ မာကို လန်ဒူချီ ကတော့ သူ့အသင်းဟာ ကံတရားရဲ့ မျက်နှာသာပေးမှုကို မရခဲ့တာကြောင့် အခုလို ရှုံးခဲ့ရတာလို့ အကြောင်းပြချက်ပေးလာခဲ့ပါတယ်။
ဒီပွဲ အတွက် နည်းပြချုပ် မက်စီမီလီယာနို အယ်လီဂရီ ပွဲပယ်ခံထားရတာကြောင့် လန်ဒူချီက အေစီမီလန်ကို တာဝန်ယူ ကိုင်တွယ်ခဲ့ရပြီး ရှုံးပွဲနဲ့ ရင်ဆိုင်ခဲ့ရတာ ဖြစ်ပါတယ်။ ဒီရလဒ်ဟာ အေစီမီလန် အတွက် ဒီရာသီ စီးရီးအေ အဖွင့်ပွဲစဉ်မှာ ခရီမိုနိစ်ကို ရှုံးနိမ့်ခဲ့ပြီး နောက်ပိုင်း ပထမဆုံး အကြိမ် ရှုံးနိမ့်မှု ဖြစ်ကာ ၂၄ ပွဲ ဆက်တိုက် ရှုံးပွဲ မရှိ စံချိန် (၁၅ ပွဲ နိုင်၊ ၉ ပွဲ သရေ) လည်း ကျိုးပျက်သွားခဲ့ရပါတယ်။ ဒါ့အပြင် အေစီမီလန် အတွက် ၂၀၂၅ ခုနှစ် ဧပြီလနောက်ပိုင်း အိမ်ကွင်းမှာ ပထမဆုံး အကြိမ် ဂိုးမသွင်းနိုင်ခဲ့တဲ့ ပွဲလည်း ဖြစ်ပါတယ်။
ပွဲမစခင် သွေးပူလေ့ကျင့်ခန်း လုပ်ချိန် မှာတင် နောက်ခံလူ ဂတ်ဘီယာ ဒဏ်ရာရသွားခဲ့သလို ပွဲချိန် ၁၁ မိနစ် မှာလည်း ရူဘင် လော့တပ်စ်-ချိခ် တယောက် ပြိုင်ဘက် ဂိုးသမားနဲ့ ပြင်းပြင်းထန်ထန် တိုက်မိပြီး ဒဏ်ရာကြောင့် ကွင်းထဲက ထွက်ခွာခဲ့ရပါတယ်။ အေစီမီလန် တိုက်စစ်မှူး ရာဖေးလ် လီယာအိုရဲ့ ကန်ချက်က ဂိုးတိုင်ထိခဲ့သလို၊ ပါးမားရဲ့ အနိုင်ဂိုး ဟာလည်း အငြင်းပွားဖွယ် ဖြစ်ခဲ့ပါတယ်။
အေစီမီလန်က ဂိုးကန်သွင်းခွင့် ၂၅ ကြိမ် အထိ ရခဲ့ပေမဲ့ ဂိုးမရခဲ့တာဟာ ၂၀၂၂ ခုနှစ် ဘိုလော့ဂ်နာနဲ့ ပွဲ (၃၃ ကြိမ် ကန်ခဲ့စဉ်) နောက်ပိုင်း ပထမဆုံးအကြိမ် ဖြစ်ပါတယ်။ ဒါနဲ့ ပတ်သတ်လို့ “ဘောလုံးက ဂိုးထဲကို မဝင်ချင်သလို ဖြစ်နေခဲ့တာပါ။ ကျွန်တော်တို့ အင်္ဂါနေ့က စပြီး အားပြန်ယူသွားပါမယ်။” လို့ နည်းပြ လန်ဒူချီက ဆိုပါတယ်။
ကနဦးမှာ အေစီမီလန် ဂိုးသမား မိုက်ခ် မိုက်ဂ်နွန်ရဲ့ ဖျက်ထုတ်မှုကြောင့် ပြစ်ဒဏ်ဘော အဖြစ် ဂိုးမပေးခဲ့ပေမယ့် VAR စစ်ဆေးပြီးနောက် ဒိုင်လူကြီးက ဂိုးအဖြစ် ပြန်လည် သတ်မှတ်ပေးခဲ့တာ ဖြစ်ပါတယ်။ ဒီအခြေအနေနဲ့ ပတ်သတ်လို့ “စီးရီးအေဟာ ကမ္ဘာမှာ အခက်ခဲဆုံးလိဂ်ပါ။ ဘာလို့လဲ ဆိုတော့ အသင်းတွေက အရမ်းမျှနေပြီး ပွဲတိုင်းမှာ အန္တရာယ်တွေ ရှိနေလို့ပါ။” ဆိုပြီး လန်ဒူချီက Sky Sport Italia ကို ပြောပါတယ်။
“ဒီနေ့ကတော့ ကျွန်တော်တို့ အတွက် ကံမကောင်းတဲ့ ညတစ်ညပါပဲ။ အသင်းသားတွေ စိတ်ပျက်နေကြတယ်။ ဒါပေမယ့် ကျွန်တော်တို့ သူတို့ကို စိတ်ဓာတ် ပြန်တင်ပေးရမယ်။ တခြား အသင်းတွေကို ကြည့်မနေဘဲ ကိုယ့်ခရီးကိုယ် ဆက်ပြီး အမှတ်တွေ တတ်နိုင်သမျှ အများဆုံး ရအောင် ယူရပါမယ်။ ကျွန်တော် တို့ရဲ့ အဓိကပန်းတိုင်က ချန်ပီယံလိဂ် ဝင်ခွင့် ရဖို့ပါ။” လို့ လန်ဒူချီက ထပ်လောင်း ပြောကြားခဲ့ပါတယ်။
ဒီရှုံးပွဲကြောင့် အေစီမီလန်က စီးရီးအေ အမှတ်ပေးဇယား ထိပ်ဆုံးက အင်တာမီလန်နဲ့ ၁၀ မှတ် အထိ ကွာဟသွားခဲ့ပါပြီ။ ဒါဟာ ချန်ပီယံဆု အတွက် စိန်ခေါ်နေတဲ့ အသင်း နှစ်သင်း အကြားမှာ ကြီးမားတဲ့ ကွာဟချက်လို့တောင် သတ်မှတ်လို့ ရနေပါပြီ။ Opta စူပါကွန်ပြူတာရဲ့ ခန့်မှန်းချက်အရ အေစီမီလန်တို့ စီးရီးအေ ချန်ပီယံ ဖြစ်ဖို့ အခွင့်အရေးဟာ ၃.၁ ရာခိုင်နှုန်းသာ ရှိတော့ပြီး အင်တာမီလန်ကတော့ ၉၆.၁ ရာခိုင်နှုန်း အထိ ရေပန်းစားနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
