ဩဂုတ် ၁၃ ရက်နေ့ အတွက် ရရှိထားသမျှ စိတ်ဝင်စားစရာ ပရီးမီးယားလိဂ် ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက်ဟာ ဟယ်ရီကိန်းရဲ့ ဘေယန်မြူးနစ်နဲ့ ၂၀၂၆ ခုနှစ်မှာ အသက်ဝင်လာတော့မယ့် ပေါင် ၅၆ သန်း တန်ကြေး ရှိတဲ့ စာချုပ်ဖျက်သိမ်းကြေးကို အခွင့်ကောင်းယူဖို့ အဆင်သင့် ဖြစ်နေကြောင်း Football Insider က ဖော်ပြခဲ့ပါတယ်။ ကိန်းဟာ ပရီးမီးယားလိဂ်ကို ပြန်လာဖို့ စဉ်းစားနေသူ ဖြစ်ပြီး သူ့ရဲ့ အသင်းဟောင်း စပါး ကလည်း ပြန်လည် ခေါ်ယူချင်နေတပါတယ်။
ချဲလ်ဆီး ကတော့ လစ်ဗာပူးလ် ဗဟိုခံစစ်မှူး အီဘရာဟီမာ ကိုနာတေးကို ယူရို သန်း ၅၀ (ပေါင် ၄၃.၃ သန်း) နဲ့ ကမ်းလှမ်းခဲ့သေးကြောင်း Defensa Central က ဖော်ပြခဲ့ပါတယ်။ လစ်ဗာပူးလ် ကတော့ လိဂ်တူ ပြိုင်ဘက် အသင်း တစ်သင်းထံ သူတို့ရဲ့ ကစားသမားကို ရောင်းထုတ်လိုခြင်း မရှိတာကြောင့် ရီးရဲလ်မက်ဒရစ်ဆီသာ လက်လွှတ်သွားဖို့ ရှိနေကြာင်းလည်း သိရပါတယ်။
မန်ချက်စတာယူနိုက်တက် ကတော့ လစ်ဗာပူးလ် ပစ်မှတ် မာ့ခ် ဂူဟီကို ခေါ်ယူဖို့ အတွက် ခရစ္စတယ်ပဲလေ့စ်ထံ ချဉ်းကပ်ခဲ့ကြောင်း FootballTransfers က ဖော်ပြပါတယ်။ ဒါ့အပြင် ယူနိုက်တက်ဟာ ဘေယန်မြူးနစ်က ဒါယွတ် အူပါမီကာနို ကိုလည်း အိုးထရက်ဖို့ဒ်ဆီ ခေါ်ဆောင်ဖို့ ပစ်မှတ်ထားနေကြောင်းလည်း သိရပါတယ်။
တစ်ချိန်တည်းမှာပဲ ပရီးမီးယားလိဂ် ချန်ပီယံ လစ်ဗာပူးလ်ဟာ ဂူဟီ အပြင် ပါမားက ဂျီယိုဗန်နီ လီယိုနီကို ဒီနွေရာသီတွင် ခေါ်ယူရန် လုပ်ဆောင်နေကြောင်း ဖာဘရီဇီယို ရိုမာနိုက ဖော်ပြပါတယ်။
ဘရိုက်တန် ကွင်းလယ်လူ ကားလို့စ် ဘယ်လီဘာ့ကို ခေါ်ယူဖို့ စိတ်ဝင်စားနေတဲ့ အသင်းတွေထဲမှာ ယူနိုက်တက် အပြင် မန်စီးတီးလည်း ပါဝင်လာကြောင်း Fichajes က ဖော်ပြပါတယ်။ ပပ် ဂွါဒီယိုလာ ကတော့ ဘယ်လီဘာ့ကို ငွေကြေး အမြောက်အများနဲ့ ခေါ်ယူဖို့ သူ့ရဲ့ အသင်းကို တိုက်တွန်းထားပါတယ်။
TEAMtalk ရဲ့ ဖော်ပြချက်အရ မန်ချက်စတာယူနိုက်တက်က ဒီနွေရာသီမှာ ဘယ်လီဘာ့ကို ခေါ်ယူဖို့ လိုအပ်သမျှ သုံးစွဲဖို့ အဆင်သင့် ဖြစ်နေကြောင်း သိရပါတယ်။ ယူနိုက်တက်ဟာ အနာဂတ်မှာ ဒီအပြောင်းအရွေ့ကြောင့် ဖြစ်လာမယ့် ဘဏ္ဍာရေးဆိုင်ရာ အကျိုးဆက်တွေကို ရင်ဆိုင်ဖို့ ပြင်ဆင်ထားကြောင်း သိရပါတယ်။
မန်စီးတီး ကတော့ နောက်ခံလူ ရီကို လီဝစ်နဲ့ ပတ်သက်ပြီး အက်စတွန်ဗီလာ၊ ချဲလ်ဆီး၊ နယူးကာဆယ် ယူနိုက်တက်နှင့် တော့တင်ဟမ်ဟော့စပါး တို့ထံမှ စုံစမ်းမေးမြန်းမှုတွေကို လက်ခံရရှိထားကြောင်း သိရပါတယ်။ ဒါပေမယ့်လည်း လီဝစ် ကတော့ အီတီဟတ်မှာ စာချုပ်သစ် ချုပ်ဆိုဖွယ် ရှိနေသူ ဖြစ်ပါတယ်။
နယူးကာဆယ်က ဆန်ဒရို တိုနာလီကို ကမ်းလမ်းမှု မအောင်မြင် ဖြစ်ခဲ့ပြီးနောက် ဂျူဗင်တပ်စ်က ကွင်းလယ်ပိုင်းကို အားဖြည့်ဖို့ အတွက် ဘရိုက်တန်က မတ် အိုရွိုင်လီနဲ့ တော့တင်ဟမ်ဟော့စပါးက အိဗ် ဘစ်ဆူးမားကို စောင့်ကြည့်နေပါတယ်။
အက်စတွန်ဗီလာ ကွင်းလယ်လူ ဂျက်ကော့ဘ် ရမ်ဆေး ကတော့ ဒီနွေရာသီမှာ နယူးကာဆယ်ကို ပြောင်းရွှေ့ဖို့ စိတ်အားထက်သန်နေကြောင်း The Athletic က ဖော်ပြပါတယ်။ ဒီကစားသမားကို ဝက်စ်ဟမ်း ကလည်း စောင့်ကြည့်နေပါတယ်။ Al-Kasရဲ့ ဖော်ပြချက်အရ အဲလ်ဟီလာရဲ့ ဘုတ်အဖွဲ့ဝင် တစ်ဦးဟာ တိုက်စစ်မှူး အလက်ဇန္တား မီထရိုဗစ်အား စာချုပ် ဖျက်သိမ်းကြေး ယူရို ၂၅ သန်း ပေးချေဖို့ ပြင်ဆင်နေကြောင်း Al-Kas က ဖော်ပြပါတယ်။ ဒါကြောင့် ဆားဘီးယား လက်ရွေးစင်ဟာ လိဒ်စ်ယူနိုက်တက် အသင်းထံ ပြောင်းရွှေ့ကြေး အခမဲ့နဲ့ ရောက်ရှိသွားဖို့ များနေပြီ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
