အခုတစ်ခါမှာတော့ ဒီဇင်ဘာ ၁၁ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက် ကတော့ ပဲရစ်စိန့်ဂျာမိန်းရဲ့ ဘရက်ဒ်လေ ဘာကိုလာကို အိုးလ်ထရက်ဖို့ဒ်ဆီ ခေါ်ယူဖို့ အတွက် လဲလှယ်မှု သဘောတူညီချက်မှာ မားကပ်စ် ရက်ရှ်ဖို့ဒ်ကို အစားထိုး အသုံးပြုဖို့ စိတ်အားထက်သန်နေပါတယ်။ ပြင်သစ် တိုက်စစ်မှူးရဲ့ တန်ဖိုးက ယူရို ၇၀ သန်း (ပေါင် ၆၁.၂ သန်း၊ ဒေါ်လာ ၈၁.၅ သန်း) ရှိနေတာကြောင့် ပရီးမီးယားလိဂ် ကလပ် အတွက် အခက်အခဲ ရှိနေခဲ့တာ ဖြစ်ပါတယ်။
ဒါပေမယ့်လည်း ရက်ရှ်ဖို့ဒ်က ဘာစီလိုနာ ကသာ သူကစားချင်တဲ့ တစ်သင်းတည်းသော အသင်း ဖြစ်ပြီး တခြားသော ပြိုင်ဘက်တွေရဲ့ ကမ်းလှမ်းမှုကို ထည့်သွင်း စဉ်းစားမှာ မဟုတ်ကြောင်း ယူနိုက်တက်ကို အသိပေးခဲ့ပါတယ်။ ကတ်တလန် ကလပ် ကတော့ ငွေကြေး အခက်အခဲတွေကြောင့် နောက်ရာသီ အတွက် နောက်ထပ် အငှားစာချုပ် တစ်ခု ချုပ်ဆိုသွားဖို့ စီစဉ်ထားကြောင်း TEAMtalk က ဖော်ပြပါတယ်။
ဘေယန်မြူးနစ် ကတော့ လစ်ဗာပူးလ်မှာ မပျော်ရွှင် ဖြစ်နေတဲ့ အီဂျစ် တိုက်စစ်မှူး မိုဟာမက် ဆာလာကို ခေါ်ယူချင်နေတဲ့ အသင်းတွေထဲ ပါဝင်လာခဲ့ပါတယ်။ ဆာလာကို ရီးရဲလ်မက်ဒရစ် ကလည်း စိတ်ဝင်စားနေပေမယ့် ဒီအပြောင်းအရွှေ့ အတွက် ဘာစီလိုနာနဲ့ အပြိုင် ကြိုးပမ်းရဖွယ် ရှိနေပါတယ်။
လစ်ဗာပူးလ် အသင်း တာဝန်ရှိသူတွေ ကတော့ လာမယ့် ဇန်နဝါရီမှာ မိုဟာမက် ဆာလာကို ရောင်းချဖို့ ဆုံးဖြတ်ခဲ့ကြတယ်လို့ သိရပါတယ်။ အသက် ၃၃ နှစ် အရွယ် တိုက်စစ်မှူး အတွက် သင့်တော်တဲ့ ကမ်းလှမ်းမှု တစ်ခု ရရှိပြီးတာနဲ့ (တန်ဖိုးကိုတော့ ထုတ်ဖော်ပြောကြားခြင်း မရှိသေးပါ) ရောင်းထုတ်သွားမှာ ဖြစ်ပါတယ်။ အဲဒီနောက် အန်တိုနီယို ဆီမီညိုကို ပေါင် ၆၅ သန်း (ဒေါ်လာ ၈၆.၆ သန်း) တန်ကြေး ရှိတဲ့ စာချုပ်ဖျက်သိမ်းကြေးနဲ့ ခေါ်ယူဖို့ စီစဉ်ထားကြောင်း သိရပါတယ်။ ဆီမီညို ကတော့ တော့တင်ဟမ်ဟော့စပါးဆီ ပြောင်းရွှေ့ဖို့ မဖြစ်နိုင်တော့တဲ့နောက် အာဆင်နယ်ရဲ့ ဆွဲဆောင်ခြင်းကို ခံနေရပါတယ်။
မန်ချက်စတာယူနိုက်တက် ကတော့ အတွေ့အကြုံရင့် ရီးရဲလ်မက်ဒရစ် ဗဟိုနောက်ခံလူဟောင်း ဆာဂျီယို ရာမို့စ်ကို ခေါ်ယူဖို့ အံ့အားသင့်ဖွယ် ကမ်းလှမ်းမှု တစ်ခု ပြုလုပ်မယ်လို့ ခန့်မှန်းရပါတယ်။ အသက် ၃၉ နှစ် အရွယ် ကမ္ဘာ့ဖလားဆုရှင် ကတော့ မွန်တာရေး ကနေ မကြာခင် ထွက်ခွာတော့မယ်လို့ အတည်ပြုပြီးနောက် ဇန်နဝါရီလတွင် အလွတ် အေးဂျင့် ဖြစ်လာတော့မှာပါ။
ဂါလာတာဆာရေးရဲ့ ကြယ်ပွင့် အိုင်ဗရီကို့စ် ခံစစ်မှူး ဝီလ်ဖရိုင်း ဆင်ဂိုကို လစ်ဗာပူးလ်က ယူရို ၂၈ သန်း (ပေါင် ၂၄.၅ သန်း၊ ဒေါ်လာ ၃၂.၆ သန်း) နဲ့ ကမ်းလှမ်းမယ်လို့ မျှော်လင့်ရပါတယ်။
လစ်ဗာပူးလ်နဲ့ မန်ချက်စတာယူနိုက်တက် တို့ဟာ ရီးရဲလ်မက်ဒရစ် လူငယ် စူပါစတား အာဒါ ဂူလာကို ခေါ်ယူဖို့ အပြိုင်အဆိုင် ကြိုးပမ်းနေကြပါတယ်။ တူရကီ မက်ဆီလို့ နာမည်ကြီးတဲ့ ဒီကစားသမားလေး ကိုတော့ ပရီးမီးယားလိဂ် ကလပ် မန်ချက်စတာယူနိုက်တက် ကလည်း ချိတ်ဆက်နေပါတယ်။
ရိုးမားဟာ အီဗန် ဖာဂူဆန်ကို လာမယ့် ဇန်နဝါရီမှာ ဘရိုက်တန်ဆီ ပြန်ပို့ဖို့ ဆုံးဖြတ်ထားပြီး ခြောက်လ အကြာမှာ မအောင်မြင်တဲ့ အငှားကာလကို အဆုံးသတ်ဖို့ ရှိကြောင်း Gazzetta dello Sport က ဖော်ပြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
