တော့တင်ဟမ်ဟော့စပါး ကတော့ တနင်္ဂနွေနေ့က နော့တင်ဟမ်ဖောရက်စ်ကို ၃-၀ ရလဒ်နဲ့ ရှုံးနိမ့်ခဲ့ပြီးနောက် ပရီးမီးယားလိဂ် Top 4 နဲ့ ၆ မှတ် ကွာဟသွားခဲ့ပြီ ဖြစ်ပါတယ်။ ဒါပေမယ့်လည်း ဖောရက်စ်ကို ရှုံးနိမ့်အပြီးမှာ တော့တင်ဟမ် အသင်းရဲ့ ကံကြမ္မာကို ပြောင်းလဲပစ်ဖို့ အချိန်ပိုပေးဖို့ ထိုက်တန်ကြောင်း နည်းပြ ဖြစ်သူ သောမက်စ် ဖရန့်ခ်က ယုံကြည်နေခဲ့ပါတယ်။
မနေ့က ပွဲမှာ နော့တင်ဟမ်ဖောရက်စ်က စပါးကို အဘက်ဘက်က အသာစီးနဲ့ ကစားနိုင်ခဲ့ပြီးတော့ ဟက်ဒ်ဆန်-အိုဒွိုင်း (၂ ဂိုး) ၊ ဆန်ဂါရေး တို့ရဲ့ ဂိုးတွေနဲ့ အနိုင်ရခဲ့တာ ဖြစ်ပါတယ်။ ဒီပွဲ ရလဒ်ကြောင့် စပါးဟာ ရာသီ အစ ၁၆ ပွဲ ကစားပြီးချိန်မှာ စတုတ္ထနေရာက ချဲလ်ဆီးနဲ့ ၆ မှတ် ကွာဟသွားခဲ့ပြီး ကလပ် အသင်းမှာ ဖရန့်ခ်ရဲ့ အနာဂတ်နဲ့ ပတ်သက်ပြီး မေးခွန်းထုတ်စရာတွေလည်း ရှိလာခဲ့ပါတယ်။
စပါးဟာ ဒီရာသီမှာ ပထမဦးဆုံး ပရီးမီးယားလိဂ် ၁၆ ပွဲမှာ ၂၂ မှတ်သာ ရရှိထားတာပါ (၆ ပွဲ နိုင်၊ ၄ ပွဲ သရေ၊ ၆ ပွဲ ရှုံး) ။ ဒါဟာ ၁၈ မှတ်သာ ရရှိခဲ့တဲ့ ၂၀၀၈-၂၀၀၉ ဘောလုံးရာသီ နောက်ပိုင်း ပထမဦးဆုံး အကြိမ် အဖြစ် နည်းပါးတဲ့ မှတ်တမ်း တစ်ခုလည်း ဖြစ်ပါတယ်။
သောမက်စ် ဖရန့်ခ် လက်ထက်မှာ စပါးက အထင်ကြီးစရာ အဝေးကွင်း စွမ်းဆောင်ရည်တွေကို ပိုင်ဆိုင်ထားခဲ့ပေမယ့် တိုက်စစ် ကစားပုံနဲ့ ပတ်သက်ပြီးတော့ မေးခွန်းထုတ်စရာတွေ အများကြီး ရှိနေခဲ့တာ ဖြစ်ပါတယ်။ ဖောရက်စ်နဲ့ ယှဉ်ပြိုင်ရမယ့် ပွဲမတိုင်ခင် အထိ စပါးက ဒီရာသီမှာ အဝေးကွင်း ပွဲစဉ်တိုင်း ဂိုးသွင်းနိုင်တဲ့ ပရီးမီးယားလိဂ်ရဲ့ တစ်သင်းတည်းသော အသင်း ဖြစ်ပါတယ်။
ဒါပေမယ့် ဖောရက်စ်နဲ့ ပွဲမှာတော့ စပါးက ဂိုးပေါက်တည့်မှု တစ်ကြိမ်သာ ရှိခဲ့ပါတယ်။ ဒါကလည်း ၂၀၂၂-၂၀၂၃ ဘောလုံး ရာသီ နောက်ပိုင်း အဝေးကွင်း ပွဲစဉ် တစ်ပွဲမှာ ဂိုးပေါက်တည့်မှု ၁ ကြိမ်သာ ရှိခဲ့တာက တတိယ အကြိမ်မြောက် ဖြစ်ပါတယ် (၂၀၂၃ ခုနှစ် အောက်တိုဘာလက ခရစ္စတယ်ပဲလေ့စ်နဲ့ ပွဲမှာ ၁ ကြိမ်၊ ၂၀၂၅ ခုနှစ် မေလက အက်စတွန်ဗီလာနဲ့ ၁ ကြိမ်)။
ပွဲအပြီး အင်တာဗျူးမှာ သတင်းထောက်တွေက သောမက်စ် ဖရန့်ခ် အနေနဲ့ သူ့ရဲ့ အကြံဉာဏ်ကို အကောင်အထည်ဖော်ဖို့ အချိန်လိုအပ်သလားလို့ မေးမြန်းတဲ့အခါ မှာတော့ “ဘာလို့ မဖြစ်ရမှာလဲ။ ဘယ်သူမှ အချိန် မရရင် ဒါကို ပြောင်းလဲနိုင်မှာ မဟုတ်ဘူးဆိုတာ ထင်ရှားပါတယ်။ ဒါက အမြန် ဖြေရှင်းရမယ့် ကိစ္စ မဟုတ်ပါဘူး။ ကျွန်တော့်ရဲ့ စိတ်ခံစားချက်တွေကို ထိန်းချုပ်ဖို့ အရာအားလုံးကို လုပ်ပါတယ်။ ဒါက ကျွန်တော့် ရင်ထဲမှာ မုန်တိုင်း တစ်ခုလိုပါပဲ။ စိတ်ငြိမ်ပြီး ချင့်ချိန်နိုင်မှု ရှိဖို့၊ မှန်ကန်တဲ့ အချိန်မှာ တိုက်ရိုက်နဲ့ ရှင်းလင်းတဲ့ မက်ဆေ့ချ်တွေ ပေးဖို့ အရမ်း အရေးကြီးတယ်လို့ ကျွန်တော် ထင်ပါတယ်။ ဒါကြောင့် သူတို့ ကျွန်တော့်ကို ဘယ်လို ထင်မြင်သလဲ ဆိုတာ စိတ်မဝင်စားပါဘူး။”
“ကျွန်တော်တို့ ဘယ်မှာ ရှိနေလဲ ဆိုတာကို ကျွန်တော် ရိုးသားစွာ ဝန်ခံပါတယ်။ ကျွန်တော်လည်း ရိုးသားစွာ ဝန်ခံပါတယ်။ ဒီနေ့က အရမ်းဆိုးရွားတဲ့ စွမ်းဆောင်ရည်ပါ။ ဒီအပေါ်မှာ နှစ်ဖက်စလုံးက သံသယ မရှိပါဘူး။ ဒါပေမယ့် ဒါကို ပြောင်းလဲဖို့ အချိန်အနည်းငယ် ကြာမယ် ဆိုတာလည်း ကျွန်တော် သိပါတယ်။ ဘယ်သူမှ ဒီအကြောင်းကို ကြားချင်မှာ မဟုတ်ပါဘူး။ ဒါဟာ လက်တွေ့ဘဝပါပဲ။” လို့ ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
