ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
နယူးကာဆယ်နဲ့ နော့တင်ဟမ်ဖောရက်စ် တို့ကတော့ ပရီးမီးယားလိဂ် ပြိုင်ဘက် လစ်ဗာပူးလ် တိုက်စစ်မှူး ဒါဝင် နူညက်ဇ်ကို ခေါ်ယူဖို့ စိတ်ဝင်စားနေကြောင်း သိရပါတယ်။ နူညက်ဇ်ဟာ လစ်ဗာပူးလ်မှာ ပုံမှန် ခြေစွမ်းပြဖို့ ရုန်းကန်နေရပြီးနောက် အသင်း ကနေ ရောင်းထုတ်ခံရဖွယ် ရှိတဲ့ ကစားသမား စာရင်းမှာ ပါဝင်နေသူ ဖြစ်ပါတယ်။ နော့တင်ဟမ်ဖောရက်စ် ကတော့ နူညက်ဇ်ကို ပေါင်သန်း ၅၀ ဝန်းကျင်နဲ့ ကမ်းလှမ်းဖို့ ဆန္ဒရှိနေတယ်လို့ သိရပါတယ်။
ရီးရဲလ်ဆိုစီဒက် ကွင်းလယ်လူ မာတင် ဇူဘီမန်ဒီ ကတော့ လစ်ဗာပူးလ်၊ ရီးရဲလ်မက်ဒရစ် တို့နဲ့ သတင်းတွေ ကျယ်ကျယ်လောင်လောင် ထွက်ပေါ်လာပေမယ့် အာဆင်နယ်ကို ရွေးချယ်နိုင်ဖွယ်လည်း ရှိနေသေးကြောင်း Marca က ဖော်ပြပါတယ်။ ဇူဘီမန်ဒီဟာ ပြီးခဲ့တဲ့ ဇန်နဝါရီ အပြောင်းအရွှေ့မှာ ပရီးမီးယားလိဂ် ကလပ် အာဆင်နယ်ကို ပြောင်းရွှေ့ဖို့ ပုဂ္ဂိုလ်ရေး အရ သဘောတူညီမှု ရရှိထားကြောင်း သတင်းတွေ ထွက်ခဲ့ပါသေးတယ်။
ဘုန်းမောက် ကတော့ အခုနွေရာသီမှာ လစ်ဗာပူးလ်ရဲ့ ဒုတိယ ဦးစားပေး ဂိုးသမား ဖြစ်တဲ့ ခယ်လာဟာကို ခေါ်ယူဖို့ ရည်မှန်းထားကြောင်း သိရပါတယ်။ ပေါင် သန်း ၄၀ ဝန်းကျင် တန်ကြေး ရှိတဲ့ ဒီဂိုးသမားကို ချဲလ်ဆီး ကလည်း စိတ်ဝင်စားနေတယ်လို့ သိရပါတယ်။ ခယ်လာဟာ ကတော့ လစ်ဗာပူးလ် အတွက် ၆ ရာသီ အတွင်း ပြိုင်ပွဲစုံ ၆၅ ပွဲသာ ကစားထားရသူပါ။ (Football Insider)
လာဇီယို ကွင်းလယ်လူ နီကိုလို ရိုဗယ်လာ ကတော့ လစ်ဗာပူးလ်ရဲ့ အပြောင်းအရွှေ့ ပစ်မှတ် အဖြစ် ပြန်လည် ပေါ်ထွက်လာခဲ့ပါတယ်။ အသက် ၂၃ နှစ် အရွယ် ကစားသမား ကိုတော့ ယူရို သန်း ၄၀ (ပေါင် ၃၄ သန်း) နဲ့ ခေါ်ယူနိုင်မှာလည်း ဖြစ်ကြောင်း အီတလီ သတင်းစာ Gazzetta dello Sport က ဖော်ပြပါတယ်။
ဘာစီလိုနာ တိုက်စစ်မှူး ဖာရန်း တောရက်စ် ကိုတော့ လက်ရှိမှာ အက်စတွန်ဗီလာ၊ နယူးကာဆယ်၊ တော့တင်ဟမ်ဟော့စပါး တို့နဲ့ အတူ ပရီးမီးယားလိဂ် ကလပ် အများအပြားက ပစ်မှတ်ထားနေကြောင်း El Nacional က ဖော်ပြပါတယ်။ ဖာရန်း တောရက်စ်ဟာ ပရီးမီးယားလိဂ် ကလပ် မန်စီးတီးမှာ ခြေစွမ်းကောင်းတွေ ပြသနိုင်ပြီးနောက် ၂၀၂၂ ခုနှစ်မှာ ဘာစီလိုနာကို ပြောင်းရွှေ့သွားခဲ့တာပါ။ ဒါပေမယ့်လည်း စပိန်သားက ကတ်တာလန် ကလပ် မှာတော့ အရန်ခုံမှာသာ ထိုင်နေရတာ များပြီး ပွဲအချိန် အများစုမှာ လူစားဝင် ကစားသမား အဖြစ်သာ ရှိခဲ့တာ ဖြစ်ပါတယ်။ မန်ချက်စတာစီးတီး ကတော့ ရီးရဲလ်ဘက်တစ် ကွင်းလယ်လူ ဆာဂျီ အဲလ်တီမီရာကို စိတ်ဝင်စားနေတယ်လို့ သတင်းတွေ ထွက်ပေါ်နေပါတယ်။ စပိန် ပါရမီရှင်ကို ယူရို သန်း ၄၀ ကနေ ၅၀ (ပေါင် ၃၃.၅ ကနေ ၄၁.၈ သန်း) ဝန်းကျင်နဲ့ ရရှိနိုင်မှာ ဖြစ်ပြီး ဝုဗ် ကလည်း ခေါ်ယူဖို့ စိတ်ဝင်စားနေကြောင်း သိရပါတယ်။ မန်စီးတီးဟာ လာမယ့် ရာသီ ကွင်းလယ်ပိုင်းကို အင်အား ပြန်လည် တောင့်တင်းစေဖို့ အတွက် ထိပ်တန်း ကစားသမား များစွာကို ပစ်မှတ်ထား စောင့်ကြည့်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
