ပရီးမီးယားလိဂ် ပွဲစဉ် ၁၇ ရဲ့ နောက်အကျဆုံး ပွဲစဉ်မှာတော့ ဖူလ်ဟမ်က နော့တင်ဟမ်ဖောရက်စ်ကို ရာအူးလ် ဟင်မီနက်ဇ်ရဲ့ ပင်နယ်တီ သွင်းဂိုးနဲ့ အနိုင်ရသွားခဲ့ပါတယ်။ ဖူလ်ဟမ် အနေနဲ့ ပရီးမီးယားလိဂ် နောက်ဆုံး ၂ ပွဲဆက် နိုင်ပွဲ ရခဲ့တာ ဖြစ်ပြီးတော့ နော့တင်ဟမ်ဖောရက်စ် ကိုတော့ အိမ်ကွင်းမှာ ၄ ကြိမ် ဆက်တိုက် အနိုင်ရခဲ့တာလည်း ဖြစ်ပါတယ်။
ဖူလ်ဟမ်က ဒီနေ့ပွဲမှာ လန်နို၊ တီတီ၊ အန်ဒါဆန်၊ ကူအန်ကာ၊ ရော်ဘင်ဆင်၊ ဘာ့ဂျ်၊ လူကစ်၊ စမစ်ရိုးဝ်၊ ကီဗင်၊ ဝီလ်ဆင်၊ ဟင်မီနက်ဇ် တို့နဲ့ ပွဲထွက်ခဲ့ပါတယ်။ နော့တင်ဟမ်ဖောရက်စ် ဘက်မှာလည်း အီဂေါ ဂျေဇုစ်၊ ဂစ်ဘ်ဝှိုက်၊ ဟက်ဒ်ဆန် အိုဒွိုင်း၊ ဟက်ချင်ဆန်၊ လူးဝစ်ဇ်၊ မူရီလို၊ ဆာဗိုနာ တို့လို အဓိက ကစားသမားတွေ ပါဝင်လာခဲ့ပါတယ်။
ဖူလ်ဟမ် အတွက် အဖိုးတန် အနိုင်ဂိုး ကိုတော့ ရာအူးလ် ဟင်မီနက်ဇ်က ပထမပိုင်း ပွဲပြီးခါနီးမှ ရရှိတဲ့ ပင်နယ်တီ ကနေ သွင်းယူပေးခဲ့တာ ဖြစ်ပါတယ်။ ခရစ္စမတ်မတိုင်ခင် နောက်ဆုံး ကစားခဲ့တဲ့ ပရီးမီးယားလိဂ် ပွဲစဉ်က ယေဘုယျအားဖြင့် ရိုးရှင်းတဲ့ ပွဲတစ်ပွဲ ဖြစ်ခဲ့ပြီး အရမ်းတော့ စိတ်လှုပ်ရှားစရာ မကောင်းခဲ့ပါဘူး။ ဟင်မီနက်ဇ်ရဲ့ သွင်းဂိုးက ဒီပွဲမှာ ဖူလ်ဟမ် အတွက် တစ်လုံးတည်းသော ဂိုးပေါက် တည့်မှုလည်း ဖြစ်ခဲ့ပါတယ်။ ဒီပွဲမှာ ဖူလ်ဟမ်က ဂိုးပေါက် ကန်ချက် ၁၁ ကြိမ်မှာ ဂိုးပေါက် တည့်မှု ၁ ကြိမ်သာ ရှိခဲ့ပြီး ဖောရက်စ် ကတော့ ဂိုးပေါက် ကန်ချက် ၁၂ ကြိမ် ရှိခဲ့ရာမှာ ဂိုးပေါက် တည့်မှုက ၂ ကြိမ်ပဲ ရှိခဲ့ပါတယ်။
ရှောင်ဒိုက်ချ်ရဲ့ အသင်းက ဒုတိယပိုင်း အစောပိုင်းမှာ ကစားပုံ ကောင်းမွန်ခဲ့ပေမယ့် အဆုံးသတ်ပိုင်း အားနည်းချက်တွေ ရှိခဲ့တာပါ။ ဒုတိယပိုင်း ပွဲချိန် အများစုမှာ ဖူလ်ဟမ်ရဲ့ တိုက်စစ်က တိတ်ဆိတ်နေခဲ့ပေမယ့် ဂျော်ရွှာ ကင်းနဲ့ ကန်ရာနေး တို့ရဲ့ ဖန်တီးပေးမှု ကနေ ဟင်မီနက်ဇ် ခေါင်းတိုက်ပြီး ဒုတိယဂိုး သွင်းယူနိုင်လုနီးပါး ဖြစ်ခဲ့ပေမယ့် ၁-၀ ရလဒ်နဲ့ပဲ ပွဲပြီးဆုံးခဲ့ပါတယ်။
ပွဲအပြီးမှာ ဖူလ်ဟမ်က ပရီးမီးယားလိဂ် ၂ ပွဲဆက် ပြန်လည် အနိုင်ရရှိခဲ့ခြင်းနဲ့ အတူ တန်းဆင်းဇုန်နဲ့ ၁၀ မှတ် အကွာကို ရောက်ရှိလာခဲ့ပါတယ်။ ဖောရက်စ် ကတော့ ပရီးမီးယားလိဂ် နိုင်ပွဲ ပြန်လည် ပျောက်ဆုံးခဲ့ပြီး အမှတ်ပေးဇယားနဲ့ အနီးဆုံးမှာ ရှိနေခဲ့ပါတယ်။ အချက်အလက်တွေ အရ ဆိုရင်တော့ ဒီနေ့ပွဲမှာ ပင်နယ်တီ ကနေ ဂိုးသွင်းယူခဲ့တဲ့ ဟင်မီနက်ဇ်က ယာယာတိုရေးရဲ့ ပြီးပြည့်စုံတဲ့ စံချိန်ကို လိုက်မှီခဲ့ပါတယ်။
ပြီးခဲ့တဲ့ ဇန်နဝါရီ ၅ ရက်နေ့က အစ်ပ်ဆွစ်ချ်တောင်းနဲ့ ပွဲမှာ နှစ်ဂိုး သွင်းယူပြီးကတည်းက ဖူလ်ဟမ် အနေနဲ့ ပရီးမီးယားလိဂ် ပယ်နယ်တီ ရဖို့ တစ်နှစ် နီးပါး စောင့်ဆိုင်းခဲ့ရပါတယ်။ ဒါပေမယ့်လည်း ဟင်မီနက်ဇ် အတွက်တော့ စောင့်ရကျိုးနပ်ခဲ့ပြီး သူဟာ ဝုဗ်နဲ့ ဖူလ်ဟမ်မှာ ကစားစဉ် အတွင်း ရရှိခဲ့တဲ့ ပရီးမီးယားလိဂ် ပယ်နယ်တီ ၁၁ လုံး စလုံးကို သွင်းယူနိုင်ခဲ့ပါတယ်။ ဒါဟာ ပြိုင်ပွဲ သမိုင်းတလျှောက် ရာနှုန်းပြည့် မှတ်တမ်း ပိုင်ဆိုင်ထားတဲ့ ယာယာတိုရေးနဲ့ စံချိန်နဲ့လည်း တူညီသွားခဲ့ပါတယ်။
ဒါ့အပြင် ဖူလ်ဟမ် နိုဝင်ဘာလအစ ကတည်းက ပရီးမီးယားလိဂ်မှာ ဖူလ်ဟမ် (၁၅ မှတ်) ထက် အမှတ်ပိုရထားတဲ့ အသင်း ဆိုလို့ မန်ချက်စတာစီးတီး (၂၁ မှတ်)၊ အက်စတွန်ဗီလာ (၂၁ မှတ်) နဲ့ အာဆင်နယ် (၁၇ မှတ်) တို့ပဲ ရှိပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
