ညက ညက အိုးထရက်ဖို့ဒ်မှာ ယှဉ်ပြိုင် ကစားခဲ့တဲ့ ပရီးမီးယားလိဂ် ပွဲစဉ်မှာ မန်ချက်စတာယူနိုက်တက်ဟာ ပြိုင်ဘက် လစ်ဗာပူးလ်ကို ၃-၂ ရလဒ်နဲ့ အနိုင်ယူခဲ့ပါတယ်။ ဒါကြောင့် ယူနိုက်တက် အနေနဲ့ လာမယ့် ရာသီ ချန်ပီယံလိဂ် ဝင်ခွင့်ကို တရားဝင် အတည်ပြုနိုင်ခဲ့ပါတယ်။
ပြီးခဲ့တဲ့ ဇန်နဝါရီလက ရူဘင် အမော်ရင် ထွက်ခွာသွားချိန်မှာ ယူနိုက်တက်က ထိပ်ဆုံး ၅ သင်း စာရင်းနဲ့ အလှမ်းဝေးကွာနေခဲ့တာပါ။ ဒါပေမယ့်လည်း မိုက်ကယ် ကာရစ်ခ် တာဝန်ယူချိန်မှာတော့ ယူနိုက်တက်က လာမယ့် ၂၀၂၆-၂၀၂၇ ဘောလုံးရာသီ ဥရောပထိပ်တန်း ပြိုင်ပွဲဆီ ပြန်လည် ဝင်ရောက်ခွင့်ရရှိခဲ့ပြီ ဖြစ်ပါတယ်။ ကာရစ်ခ်ရဲ့ လက်ထက်မှာ အမှားအယွင်း များစွာ ရှိခဲ့ပေမယ့်လည်း အိုးထရက်ဖို့ဒ်မှာ လစ်ဗာပူးလ်ကို အနိုင်ယူနိုင်ခဲ့ခြင်းက အမှတ်ရစရာ ဖြစ်ပြီး အိမ်ရှင် တို့ဟာ ပွဲစကတည်းက လစ်ဗာပူးလ်ကို အသာစီးရခဲ့ပါတယ်။ ဒါပေမယ့်လည်း ကိုယ်ပိုင် အမှားတွေကြောင့် ပြိုင်ဘက်ကို အခွင့်အရေးတွေ ခွင့်ပြုပေးခဲ့ရပါတယ်။ ဒုတိယပိုင်း မှာတော့ လစ်ဗာပူးလ်တို့ ပြန်လည် တုန့်ပြန်နိုင်ခဲ့ပေမယ့်လည်း ကိုဘီ မိန်းနူးရဲ့ အနိုင်ဂိုးနဲ့ ယူနိုက်တက်တို့ ၁၀ နှစ် အတွင်း ပထမဆုံးအကြိမ် လစ်ဗာပူးလ်ကို ပရီးမီးယားလိဂ် နှစ်ကျော့စလုံး အနိုင်ရခဲ့ပါတယ်။
၁။ ပွဲကြီးပွဲကောင်းတွေ အတွက် အားထားရတဲ့ ကူညာ
ယခင်က ဘရိုင်ယန် အမ်ဘူမိုကို အားထားခဲ့ရပေမယ့်လည်း အခုအခါ မာသီးယပ်စ် ကူညာက အဓိက ကျလာနေပါတယ်။ သူဟာ ပွဲကြီးတွေမှာ ခြေစွမ်းပြနေပြီး ဘယ်ခြမ်းမှာ ကစားကာ လုခ်ရှောနဲ့ တွဲဖက်ကာ အလုပ် ဖြစ်နေပါတယ်။ ဒီပွဲ မှာလည်း တစ်ဂိုး သွင်းယူခဲ့ပြီး သူ့ရဲ့ ဒီရာသီ သွင်းဂိုးကို ၉ ဂိုး အထိ တိုးမြှင့်နိုင်ခဲ့ပါတယ်။ ကူညာဟာ ယူနိုက်တက်က အာဆင်နယ်၊ မန်စီးတီး၊ ချယ်လ်ဆီး၊ ဗီလာ တို့နဲ့ ယှဉ်ပြိုင်ရတဲ့ ပရီးမီးယားလိဂ် ပွဲစဉ်တွေမှာ အရေးပါသော ကစားသမား တစ်ဦး ဖြစ်ခဲ့ပါတယ်။
၂။ လစ်ဗာပူးလ်တို့ မကျေမနပ် ဖြစ်သင့်တဲ့ အခြေအနေ
ဘင်ဂျာမင် ဆက်စ်ကိုရဲ့ သွင်းဂိုးနဲ့ ပတ်သက်ပြီး လစ်ဗာပူးလ်တို့ မကျေမနပ် ဖြစ်ခဲ့ကြပါတယ်။ VAR စစ်ဆေးမှုမှာ ဘောလုံးဟာ ဆက်စ်ကိုရဲ့ လက်ကို ထိခဲ့တယ်လို့ ယူဆရပေမယ့်လည်း “ အထောက်အထား မခိုင်လုံ” ဆိုတဲ့ အကြောင်းပြချက်နဲ့ ဂိုးအဖြစ် အတည်ပြုခဲ့သည်။ အာနေး ဆလော့တ် အနေနဲ့ အဲဒီဆုံးဖြတ်ချက် အပေါ် မကျေနပ်မှု ရှိခြင်းက အကြောင်းမဲ့တော့ မဟုတ်ပါဘူး။ လစ်ဗာပူးလ် တို့ရဲ့ စွမ်းဆောင်ရည် အရ ပိုမိုပြတ်သားသော အနိုင်ရလဒ်မျိုး ဖြစ်သင့်ပေမယ့်လည်း အဲဒီ ဆုံးဖြတ်ချက်က သူတို့ အတွက် အကြီးမားဆုံး အခက်အခဲ ဖြစ်ခဲ့ပါတယ်။
၃။ တိုက်စစ်မှူး မပါဝင်တဲ့ လစ်ဗာပူးလ် တို့ရဲ့ အခက်အခဲ
မိုဆာလာ၊ အိဆက်နဲ့ အစ်ကီတီးကေးတို့ ဒဏ်ရာကြောင့် မပါဝင်နိုင်တာကြောင့် လစ်ဗာပူးလ်ရဲ့ တိုက်စစ်ပိုင်းက သိသိသာသာ အားနည်းခဲ့ပါတယ်။ ဆလော့ဟာ “ False Nine” (တိုက်စစ်မှူး အစစ် မပါဝင်တဲ့) နည်းစနစ်နဲ့ ကစားစေခဲ့ပေမယ့်လည်း ထိုးဖောက် ကစားနိုင်မှု အားနည်းနေခဲ့ပါတယ်။ ဒုတိယပိုင်းမှာ မန်ချက်စတာယူနိုက်တက် တို့ရဲ့ အမှားတွေကို အသုံးချကာ ၁၅ မိနစ်ခန့် ဖိအားပေးနိုင်ခဲ့ပေမယ့်လည်း နောက်ဆုံး မှာတော့ အနိုင်ဂိုးကို မဖန်တီးနိုင်ဘဲ ရှုံးနိမ့်ခဲ့ရပါတယ်။
၄။ ယူနိုက်တက် ကွင်းလယ်ရဲ့ ပစ္စုပ္ပန်နဲ့ အနာဂတ်
ကိုဘီ မိန်းနူးနဲ့ ကက်စ်မဲရိုးတို့ ဒုတိယပိုင်းမှာ အနည်းငယ် အမှားတချို့ လုပ်ခဲ့ပေမယ့်လည်း မိန်းနူး အနေနဲ့ ထူးချွန်တဲ့ ခြေစွမ်းကို ပြသနိုင်ခဲ့ကြပါတယ်။ မိန်းနူးဟာ ပထမပိုင်းမှာ အကောင်းဆုံး ကစားနိုင်ခဲ့ပြီး ကွင်းလယ်ပိုင်းမှာ ထိန်းချုပ်နိုင်ခဲ့ပါတယ်။ ဒုတိယပိုင်းမှာ အန္တရာယ်ရှိတဲ့ နေရာသို့ တက်ကစားခြင်းက အသင်း အတွက် အန္တရာယ်ရှိခဲ့ပေမယ့်လည်း နောက်ဆုံးမှာ အနိုင်ဂိုး သွင်းယူပေးခဲ့ပါတယ်။ ဒါ့အပြင် သူဟာ ယူနိုက်တက် ကွင်းလယ်ရဲ့ အနာဂတ် ဖြစ်ကြောင်း ထပ်မံ သက်သေပြနိုင်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
