မန်ချက်စတာယူနိုက်တက် ဂန္တဝင် ပေါလ်စခိုးလ် ကတော့ အာဆင်နယ် အသင်းရဲ့ ကစားဟန် အပေါ် ပြင်းထန်တဲ့ စကားလုံးတွေနဲ့ ဝေဖန်ထားခဲ့တာ ဖြစ်ပါတယ်။ အခုတော့ ဒီလို ပြောစကားတွေနဲ့ ပတ်သက်ပြီး မီခဲလ် အာတေးတားက ခနဲ့တဲ့တဲ့ ပြန်လည် တုံ့ပြန်လာခဲ့တာ ဖြစ်ပါတယ်။ အာဆင်နယ်ဟာ လက်ရှိမှာ ပရီးမီးယားလိဂ် အမှတ်ပေးဇယား ထိပ်ဆုံး ကနေ ဦးဆောင်နေသလို ချန်ပီယံ ဖြစ်ဖို့လည်း ရေပန်းစားနေတာပါ။
အာဆင်နယ်က ပရီးမီးယားလိဂ်မှာ အမှတ်ဖြတ် ဦးဆောင်နေရုံသာမက ချန်ပီယံလိဂ် မှာလည်း ရလဒ်ကောင်းတွေ ပိုင်ဆိုင်ကာ ခရာဘောင်ဖလား မှာလည်း ဗိုလ်လုပွဲ တက်ဖို့ အားသာချက် အပြည့် ရှိနေပါတယ်။ ဒါပေမယ့်လည်း ပေါလ်စခိုးလ် ကတော့ သူ့ရဲ့ Podcast အစီအစဉ်မှာ “ အကယ်၍ အာဆင်နယ်သာ ဗိုလ်စွဲခဲ့ရင် ဒါဟာ လိဂ်သမိုင်း တစ်လျှောက် အညံ့ဖျင်းဆုံး ချန်ပီယံ အသင်း ဖြစ်လာလိမ့်မယ်” လို့ ဝေဖန်ခဲ့တာ ဖြစ်ပါတယ်။
ပေါလ်စခိုးလ်က အာဆင်နယ်ဟာ Open play ထက် Set pieces တွေ အပေါ် မှာသာ အလွန်အကျွံ မှီခိုနေပြီး ကြည့်ကောင်းတဲ့ ကစားဟန် မရှိဘူးလို့ ယူဆနေတာ ဖြစ်ပါတယ်။ ဒါပေမယ့်လည်း အာတေးတား ကတော့ စခိုးလ်ရဲ့ ပြောကြားချက်ကို လက်မခံကြောင်း အခုလို ပြောကြားလာခဲ့ပါတယ်။
“ကျုပ်ကြားနေရတာ ကတော့ ဒါနဲ့ လုံးဝ ဆန့်ကျင်ဘက်ပဲ။ ဥရောပတစ်ခွင်မှာ ကျွန်တော် တို့ဟာ စိတ်လှုပ်ရှားစရာ အကောင်းဆုံး အသင်း၊ ဂိုးအများဆုံး သွင်းပြီး ပေးဂိုး အနည်းဆုံး အသင်းလို့ အားလုံးက ပြောနေကြတာ။ ကျုပ်မှာတော့ ခင်ဗျား တို့နဲ့ မတူတဲ့ တခြား သတင်းရင်းမြစ်တွေ ရှိနေပါတယ်။” လို့ အာတေးတားက တုံ့ပြန်ခဲ့ပါတယ်။
ပေါလ်စခိုးလ်ရဲ့ ဝေဖန်ချက်က ယုတ္တိရှိသလား
ကိန်းဂဏန်းတွေအရ အာဆင်နယ်ဟာ Set Piece ကနေ တဆင့် ၁၅ ဂိုးအထိ သွင်းယူထားနိုင်ပြီး ပရီးမီးယားလိဂ်မှာ အကောင်းဆုံး ဖြစ်ပါတယ်။ ဒါပေမယ့်လည်း ပုံမှန်ကစားကွက် (Open play) ကနေ သွင်းဂိုး ရရှိမှု မှာတော့ မန်စီးတီး၊ လစ်ဗာပူးလ်နဲ့ ယူနိုက်တက် တို့ရဲ့ နောက်မှာသာ ရှိနေပါတယ်။
စခိုးလ်က အာဆင်နယ် တိုက်စစ်ပိုင်းမှာ တစ်ဦးချင်း အရည်အသွေး ထူးချွန်သူ မရှိဟု ဆိုကာ ဘူကာယို ဆာကာ ပင်လျှင် ဒီနှစ်မှာ ခြေစွမ်း မပြနိုင်ကြောင်း ဝေဖန်ခဲ့ပါတယ်။ ဒီရာသီ အာဆင်နယ်ရဲ့ ဂိုးသွင်း အများဆုံး ကစားသမားက ၆ ဂိုး သွင်းထားသည့် ဗစ်တာ ယောကရက်စ် ဖြစ်ပြီး ဆာကာ ကတော့ ဒဏ်ရာ ပြဿနာတွေကြောင့် ၄ ဂိုးသာ သွင်းထားနိုင်ပါတယ်။
အာဆင်နယ်က အညံ့ဖျင်းဆုံး ပရီးမီးယားလိဂ် ချန်ပီယံ ဖြစ်လာမှာလား?
အရင်ဆုံး ပြောစရာ ရှိတာက အာဆင်နယ် ချန်ပီယံ မဖြစ်သေးပါဘူး။ ဒါပေမယ့်လည်း ကိန်းဂဏန်းတွေအရ ကြည့်ရင် အာဆင်နယ်က တိုက်စစ်ပိုင်းမှာ ပျမ်းမျှအောက် ရောက်နေပေမယ့်လည်း ခံစစ်ပိုင်း မှာတော့ သမိုင်းတစ်လျှောက် အကောင်းဆုံး အသင်းတွေ စာရင်းထဲ ဝင်နေတဲ့ အထိ ကျစ်လျစ်နေပါတယ်။အကယ်၍ ရမှတ်၊ ရလဒ်တွေနဲ့သာ တိုင်းတာမယ် ဆိုရင်တော့ စခိုးလ် ကိုယ်တိုင် ပါဝင်ခဲ့တဲ့ ၁၉၉၆-၁၉၉၇ ရာသီက ယူနိုက်တက်ဟာ တစ်ပွဲ ပျမ်းမျှ ၂ မှတ် အောက်သာ ရရှိခဲ့တဲ့ တစ်သင်းတည်းသော ချန်ပီယံ အသင်း အဖြစ် မှတ်တမ်းဝင်နေပါတယ်။ ဒါကြောင့် ပေါလ် စခိုးလ်ရဲ့ ဝေဖန်ချက်ဟာ ကိုယ်ရှူး ကိုယ်ပတ်စေတဲ့ အခြေအနေ ဖြစ်ကြောင်း ပြောကြားရင်း…။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
