လိုက်ပ်ဇစ် ကြယ်ပွင့်ကို စိတ်တင်စားနေတဲ့ ချဲလ်ဆီးနဲ့ စပါး၊ မိန်းနူးကို ဆောင်းရာသီမှာ ခေါ်ယူနိုင်မယ်လို့ ယုံကြည်နေတဲ့ ဘေယန် | ဘွန်ဒက်စ်လီဂါ

အခုတစ်ခါမှာတော့ ဒီဇင်ဘာ ၁၁ ရက်နေ့ အတွက် ရရှိထားသမျှ ဘွန်ဒက်စ်လီဂါရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။

အာဆင်နယ်၊ ချဲလ်ဆီး၊ မန်ယူနိုက်တက်နဲ့ တော့တင်ဟမ်ဟော့စပါး တို့ကတော့ ဘွန်ဒက်စ်လီဂါ ကလပ် လိုက်ပ်ဇစ်ရဲ့ ကြယ်ပွင့် ယန် ဒီယိုမန်ဒီကို စိတ်ဝင်စားနေကြပါတယ်။ ဒီကစားသမား အတွက် အထက်ပါ အသင်းတွေ အပြင် လစ်ဗာပူးလ်နဲ့ မန်စီးတီး တို့ကလည်း ကင်းထောက်တွေ စေလွှတ်ကာ စောင့်ကြည့်နေစေကြောင်း သိရပါတယ်။ 

ဘေယန်မြူးနစ် ကတော့ လာမယ့် ဇန်နဝါရီမှာ မန်ချက်စတာယူနိုက်တက် ကွင်းလယ်လူ ကိုဘီ မိန်းနူးကို ခေါ်ယူချင်နေပါတယ်။ ဘွန်ဒက်စ်လီဂါ ထိပ်သီး တို့ဟာ မိန်းနူးကို အမြဲတမ်း စာချုပ်နဲ့ ခေါ်ယူနိုင်ဖို့ ယှဉ်ပြိုင်မှုမှာ အနိုင်ရနိုင်မယ်လို့ ယုံကြည်နေကြောင်း TEAMtalk က ဖော်ပြပါတယ်။

မန်ချက်စတာယူနိုက်တက် ကနေ နောက်ထပ် ထွက်ခွာမယ့် ကစားသမား ကတော့ မန်ဝဲလ် အူဂါတေး ဖြစ်ကြောင်း သိရပါတယ်။ အူဂါတေး ကိုတော့ တူရကီ ထိပ်သီး ဂါလာတာဆာရေးက စိတ်ဝင်စားနေပြီး နောက်လမှာ သဘောတူညီမှု တစ်ခု ရရှိမယ်လို့ မျှော်လင့်နေပါတယ်။

တစ်ချိန်တည်းမှာပဲ၊ မန်ချက်စတာယူနိုက်တက်က ရီးရဲလ်မက်ဒရစ် ကွင်းလယ် ကစားသမား ဂျူ့ဒ် ဘယ်လင်ဟမ်ကို ယူရို ၁၅၀ သန်း (ပေါင် ၁၃၁ သန်း၊ ဒေါ်လာ ၁၇၄.၇ သန်း) နဲ့ ကမ်းလှမ်းခဲ့ပေမယ့် Los Blancos တို့က ဘယ်ဈေးနဲ့မှ ရောင်းချမှာ မဟုတ်ကြောင်း အခိုင်အမာ ပြောဆိုထားပါတယ်။ 

အာဆင်နယ် ကတော့ တူရကီ တောင်ပံ ကစားသမား ကီနန် ယီလ်ဒစ်ဇ် အတွက် အလားအလာ ရှိတဲ့ အပြောင်းအရွှေ့နဲ့ ပတ်သက်ပြီး ဂျူဗင်တပ်စ် အသင်းကို မေးမြန်းမှုတွေ ပြုလုပ်ခဲ့တယ်လို့ သိရပါတယ်။ ဂန်းနားတွေဟာ ဒီကစားသမားကို ဆောင်းရာသီ အပြောင်းအရွှေ့မှာ ခေါ်ယူနိုင်မယ်လို့ ယုံကြည်နေတာ ဖြစ်ပါတယ်။

လစ်ဗာပူးလ် ကတော့ အီဘရာဟီမာ ကိုနာတေးရဲ့ စာချုပ် သက်တမ်း နောက်ဆုံး ၆ လ နီးကပ်လာတာနဲ့ အမျှ အသက် ၂၀ အရွယ် ရန်းစ် ဗဟိုနောက်ခံလူ ဂျရယ်မီ ဂျက်ကွက်နဲ့ အစားထိုးဖို့ ဦးစားပေး ရွေးချယ်ထားကြောင်း သိရပါတယ်။

လီယမ် ဒီလက်ပ်ကို ဒဏ်ရာကြောင့် ထပ်မံ ဆုံးရှုံးခဲ့ရပြီးနောက် ချဲလ်ဆီးက လာမယ့် နွေရာသီမှာ စတန်းဖို့ဒ်ဘရစ်ချ်ဆီ ပြောင်းရွှေ့ဖို့ စီစဉ်ထားတဲ့ စထရာဘိုး တိုက်စစ်မှူး အီမန်နူရယ် အမ်မီဂါကို ခေါ်ယူဖို့ အရှိန်မြှင့် လုပ်ဆောင်နေကြောင်း သိရပါတယ်။

နောက်ထပ် စထရာဘိုး တိုက်စစ်မှူး ယိုအာကွင်း ပန်နီချယ်လီ ကလည်း ရာသီအစမှာ အကောင်းဆုံး ခြေစွမ်းပြနိုင်ခဲ့ပြီးနောက် ချဲလ်ဆီးရဲ့ အာရုံစိုက်ခြင်းကို ခံနေရပါတယ်။ အသက် ၂၃ နှစ် အရွယ် ကစားသမားကို အက်စတွန်ဗီလာနဲ့ ဝက်စ်ဟမ်းယူနိုက်တက် တို့ကလည်း စိတ်ဝင်စားနေပါတယ်။

ခရစ္စတယ်ပဲလေ့စ် ကတော့ ကွင်းလယ် ကစားသမား အဒမ် ဝှာတန်ကို လာမယ့် နွေရာသီမှာ ရောင်းချဖို့ ဆုံးဖြတ်လိုက်ကပါတယ်။ လက်ရှိမှာ သူ့ကို ခေါ်ယူချင်နေတဲ့ အသင်း ၃ သင်း ရှိနေပြီးတော့ လစ်ဗာပူးလ်၊ မန်ချက်စတာယူနိုက်တက်နဲ့ မန်ချက်စတာစီးတီး တို့က အခြေအနေ အကောင်းဆုံး ဖြစ်နေပါတယ်။

တော့တင်ဟမ်ဟော့စပါး ကတော့ ပြီးခဲ့တဲ့ နွေရာသီကုန်ခါနီးမှာ ကမ်းလှမ်းမှု မအောင်မြင်ခဲ့တဲ့ ခရစ္စတယ်ပဲလေ့စ်နဲ့ တိုက်စစ်မှူး ဂျင်းန် ဖိလစ်ပ် မက်တေးတားကို ခေါ်ယူဖို့ ဆက်လက် စောင့်ကြည့်နေပါတယ်။

နယူးကာဆယ်ယူနိုက်တက် ကတော့ AZ အဲလ်ခမာ ကွင်းလယ် ကစားသမား ကီးစ် စမစ်ကို ခေါ်ယူချင်ပေမယ့် အော်ဇာရီ အသင်းက ကီဗင် ဒါနော့စ် ကိုတော့ သူတို့ရဲ့ ဦးစားပေး ရွေးချယ်မှု အဖြစ် သတ်မှတ်ထားကြောင်း သိရပါတယ်။ 

အက်စတွန်ဗီလာ နည်းပြ အူနိုင်း အမ်မရီ ကတော့ အက်တလက်တစ် ကလပ် ကွင်းလယ် ကစားသမား မိုက်ကယ် ဂျာယူရီဂျီဇာကို ခေါ်ယူဖို့ တွန်းအားပေးနေပါတယ်။ ယူရို သန်း ၆၀ (ပေါင် ၅၂.၄ သန်း) တန်ကြေး ရှိတဲ့ ကမ်းလှမ်းမှုနဲ့ ဇန်နဝါရီလမှာ ခေါ်ယူဖို့ စီစဉ်ထားပေမယ့် လုံလောက်တဲ့ ပမာဏတော့ မဟုတ်ကြောင်း သိရပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.