ဒီတစ်ခါ မှာတော့ စက်တင်ဘာလ ၈ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ပေါ်လင်ဟာကို ဇန်နဝါရီမှာ ပြန်လည် ကမ်းလှမ်းမယ့် ဘေယန်မြူးနစ်
ဘေယန်မြူးနစ်ဟာ လာမယ့် ဆောင်းရာသီ အပြောင်းအရွှေ့မှာ ဖူလ်ဟမ် ကွင်းလယ်လူ ယာအို ပေါ်လင်ဟာကို ခေါ်ယူဖို့ ပြန်လည် ကမ်းလှမ်းသွားမယ်လို့ သိရပါတယ်။ အဆိုပါ ကွင်းလယ်လူဟာ ပြီးခဲ့တဲ့ နွေရာသီ အပြောင်းအရွှေ့မှာ ဘွန်ဒက်စ်လီဂါ ကလပ်ကို ရောက်ရှိဖို့ အတွက် နီးစပ်ခဲ့တဲ့ ကစားသမားပါ။
ပေါ်လင်ဟာ အနေနဲ့ ဘေယန်မြူးနစ်နဲ့ ဆေးစစ်မှုခံယူပြီး ဖြစ်ပြီး တရားဝင် ကြေညာမယ့် အချိန်ရောက်မှ ဖူလ်ဟမ် ဘက်က ရောင်းချဖို့ ငြင်းဆန်ခဲ့တာကြောင့် အပြောင်းအရွှေ့က ပျက်ပြယ်ခဲ့တာ ဖြစ်ပါတယ်။ ဒါပေမယ့် ဘေယန်မြူးနစ်တို့ ပေါ်လင်ဟာကို ခေါ်ယူဖို့ အတွက် လက်လျှော့သွားမှာ မဟုတ်ဘဲ လာမယ့် ဇန်နဝါရီ အပြောင်းအရွှေ့မှာ ပြန်လည် ကမ်းလှမ်းသွားမယ်လို့ သိရပါတယ်။
ကစားသမားရဲ့ အကို ဖြစ်သူကလည်း သူ့ညီနဲ့ ဘေယန်မြူးနစ်ရဲ့ အပြောင်းအရွှေ့က ပျက်ပြယ်ခဲ့တာမျိုး မဟုတ်ဘဲ နောက်ဆုတ်သွားခဲ့တာသာ ဖြစ်ကြောင်း ဖွင့်ဟ ပြောကြားခဲ့ပါတယ်။
ရူဒီဂါနဲ့ ကင်မစ်ချ်တို့ ငြိခဲ့တဲ့ ဗီဒီယိုဖိုင် ထွက်ပေါ်လာ
ပြီးခဲ့တဲ့ (၂၀၂၂) ကာတာ ကမ္ဘာ့ဖလား ကာလ အတွင်း ဂျာမနီ လက်ရွေးစင် အသင်းဖော်တွေ ဖြစ်တဲ့ အန်တိုနီယို ရူဒီဂါနဲ့ ဂျော်ရွှာ ကင်မစ်ချ်တို့ လေ့ကျင့်ရေးကွင်းမှာ အချင်းများခဲ့တဲ့ ဗီဒီယိုဖိုင် ထွက်ပေါ်လာခဲ့ပါတယ်။ ဒီဖြစ်ရပ် ကတော့ Amazon ရဲ့ မှတ်တမ်း ရုပ်ရှင်ထဲမှာ ပါဝင်လာခဲ့တာ ဖြစ်ပြီး နှစ်ယောက်သား လေ့ကျင့်ရေးကွင်းမှာ ခေါင်းချင်းဆိုင်ရင်း အချင်းများခဲ့တာပါ။
ဘွန်ဒက်စ်လီဂါ ကြယ်ပွင့်က သူ့အကြောင်းတွေကို နောက်ကွယ်မှာ ပြောနေတဲ့ အပေါ် ရူဒီဂါကို မကျေမနပ် ဖြစ်ခဲ့ပြီး ရူဒီဂါ ကလည်း ခွန်းတုံမကျန် ပြန်လည် တုံ့ပြန်ခဲ့တာ ဖြစ်ပါတယ်။ နှစ်ယောက် အကြားမှာ ကစားကွက်နဲ့ ပတ်သက်လို့ အကြိတ်အခဲတွေ ရှိခဲ့ပြီး ဂျာမနီ လက်ရွေးစင် အသင်းတွင်းမှာ ကမ္ဘာ့ဖလားက ပြဿနာတွေ ရှိခဲ့တာကို ပရိသတ်တွေ ပြန်လည် သိရှိခွင့်ရခဲ့ပါတယ်။
တူချယ်ရဲ့ ပြောစကားတွေ အပေါ် ဘေယန် တာဝန်ရှိသူတွေ စိတ်ပျက်နေ
ဘေယန်မြူးနစ် တာဝန်ရှိသူတွေဟာ နည်းပြ သောမတ်စ် တူချယ်ရဲ့ အသင်း လူစာရင်း၊ အပြောင်းအရွှေ့ ကိစ္စရပ်တွေ အပေါ် မီဒီယာတွေ ရှေ့မှောက် ပြောဆိုခဲ့ပုံကို စိတ်ပျက်နေကြောင်း သိရပါတယ်။ တူချယ်ဟာ အသင်းရဲ့ ကစားသမား အင်အားကို ကျေနပ်အားရမှု မရှိဘဲ အထူးသဖြင့် နောက်တန်းနဲ့ ကွင်းလယ်ကို အင်အား ဖြည့်တင်းဖို့ ဆန္ဒရှိခဲ့ပါတယ်။
ဒါပေမယ့် ဘွန်ဒက်စ်လီဂါ ကလပ်ရဲ့ ထိပ်သီးပိုင်း တာဝန်ရှိသူတွေဟာ ဟယ်ရီကိန်းကို ခေါ်ယူပြီးနောက် အဆိုပါ နေရာတွေကို လုံလုံလောက်လောက် အင်အား ဖြည့်တင်းပေးဖို့ ပျက်ကွက်ခဲ့ပါတယ်။
တူချယ်က အသင်းရဲ့ ကစားသမား အင်အားက နည်းပါးလွန်းကြောင်း၊ လေးယောက် ကစားရမယ့် ခံစစ်နေရာ အတွက် ကစားသမား ခြောက်ယောက်နဲ့သာ လေ့ကျင့်ခန်း ဆင်းနေရကြောင်း ပြောကြားခဲ့ပြီး တူချယ်ရဲ့ အပြုအမူ၊ အပြောအဆိုတွေကို ဘေယန်မြူးနစ် တာဝန်ရှိသူတွေက စိတ်ပျက်လက်ပျက် ဖြစ်နေကြတာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
