ဒီနေ့ အတွက် ရရှိထားသမျှ ပရီးမီးယားလိဂ် အပါအဝင် ထိပ်သီး ကလပ်တွေရဲ့ စိတ်ဝင်စားစရာ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ပီအက်စ်ဂျီ အသင်းဟာ တောင်ပံကစားသမား ဘရက်ဒ်လေ ဘာကိုလာကို ရောင်းချသွားမယ်လို့ အရိပ်အမြွက်ပြပြီး ကလပ် အသင်းတွေ အကြား ဈေးပြိုင် အပြိုင်အဆိုင် ကမ်းလှမ်းလာအောင် ဖန်တီးနေပါတယ်။ ပီအက်စ်ဂျီ ဘက်က သူ့ရဲ့ ပြောင်းရွှေ့ကြေးကို ပေါင် ၁၂၇.၅ သန်း / ယူရို သန်း ၁၅၀ အထိ ခပ်မြင့်မြင့်စျေး သတ်မှတ်ထားပါတယ်။ ဒါပေမယ့် ပရီးမီးယားလိဂ် ကလပ် အာဆင်နယ်၊ လစ်ဗာပူးလ်နဲ့ ယူနိုက်တက် တို့ရဲ့ ပထမဆုံး ကမ်းလှမ်းမှုတွေ ကတော့ ပေါင် ၅၉.၅ သန်း / ယူရို သန်း ၇၀ ဝန်းကျင်သာ ရှိပါသေးတယ်။
မာ့ခ် ကူကူရယ်လာ မရှိတော့ချိန်မှာ ချဲလ်ဆီးရဲ့ ပထမဦးစားပေး ဘယ်နောက်ခံလူ ဖြစ်လာဖို့ ရှိနေတဲ့ ဂျရဲလ် ဟာတို ဟာ ချန်ပီယံလိဂ် ကစားလိုတာကြောင့် အာဆင်နယ်နဲ့ မန်ယူနိုက်တက်တို့ဆီ ပြောင်းရွှေ့ချင်နေပါတယ်။
နောက်ခံလူ အင်အား မနည်းသွားစေဖို့ အတွက် ချဲလ်ဆီးဟာ ခရစ္စတယ်ပဲလေ့စ် ဗဟိုနောက်ခံလူ မက်ဆန့်စ် လာခရွားစ် ကို ခေါ်ယူဖို့ ပြင်ဆင်နေပြီး သူ့ရဲ့ ပြောင်းရွှေ့ကြေး ကတော့ အနည်းဆုံး ပေါင် သန်း ၆၀ ရှိနေပါတယ်။
အက်တလက်တီကို မက်ဒရစ် က အာဆင်နယ် တောင်ပံ ကစားသမား ဂါဘရီရယ် မာတင်နယ်လီ ကို ပေါင် ၅၉.၅ သန်း / ယူရို သန်း ၇၀ ဝန်းကျင်နဲ့ ကမ်းလှမ်းဖို့ ပြင်ဆင်နေပါတယ်။ မာတင်နယ်လီ ထွက်ခွာသွားရင် အစားထိုးဖို့ အတွက် အာဆင်နယ်ဟာ ကမ္ဘာ့ဖလား ချန်ပီယံ အိုယာဇာဘယ် ကို စိတ်ဝင်စားနေပြီး ကစားသမား ကတော့ စပိန် ကလပ် ရီးရဲလ်ဆိုစီဒက်နဲ့ ချုပ်ဆိုထားတဲ့ စာချုပ်ထဲမှာ ပေါင် ၆၃.၈ သန်း / ယူရို သန်း ၇၅ တန် စာချုပ်ဖျက်သိမ်းကြေး ပါဝင်နေပါတယ်။
ပရီးမီးယားလိဂ် ထိပ်သီး မန်စီးတီးနဲ့ စာချုပ်သက်တမ်း ၂၀၂၇ မှာ ကုန်ဆုံးမယ့် ဖီးလ် ဖိုဒန် ကို ဘာစီလိုနာ အပြင် အေစီမီလန် ကပါ ခေါ်ယူဖို့ စိတ်ဝင်စားနေပါတယ်။ တစ်ဖက်မှာလည်း မန်စီးတီးဟာ ဖိုဒန် မရှိတော့မယ့် အနာဂတ် အတွက် ပြင်ဆင်တဲ့ အနေနဲ့ ဘာစီလိုနာ ကွင်းလယ်လူ ဖာမင်း လိုပက်ဇ် ကို ပေါင် ၁၄၄.၅ သန်း / ယူရို သန်း ၁၇၀ အထိ စံချိန်တင် ကမ်းလှမ်းဖို့ ပြင်ဆင်နေပါတယ်။
ရိုဒရီ ဟာ ဒီနွေမှာ ရီးရဲလ်မက်ဒရစ်သို့ ပြောင်းရွှေ့ချင်တာကြောင့် မန်စီးတီးရဲ့ စာချုပ်သစ် ကမ်းလှမ်းမှုကို ငြင်းဆန်ထားပါတယ်။ အလားတူ ဟာလန်း ကလည်း ၂၀၂၇ ခုနှစ်မတိုင်မီ မန်စီးတီး ကနေ ထွက်ခွာနိုင်ရေး စီစဉ်ပေးဖို့ အေးဂျင့်တွေကို ညွှန်ကြားထားပြီး ရီးရဲလ်မက်ဒရစ်က ရေပန်းစားနေပါတယ်။
မန်ချက်စတာယူနိုက်တက်ဟာ ခရစ္စတယ်ပဲလေ့စ် တိုက်စစ်မှူး အစ္စမိုင်လာ ဆားကို စောင့်ကြည့်နေသလို၊ နော့တမ်ဟမ်ဖောရက်စ် နောက်ခံလူ နီကို ဝီလီယမ်စ်ကို ခေါ်ယူချင်နေပေမယ့် တော့တင်ဟမ်ဟော့စပါးနဲ့ နယူးကာဆယ် တို့ရဲ့ ကြားဖြတ် လှုပ်ရှားမှုတွေကြောင့် အခက်တွေ့နေပါတယ်။
လစ်ဗာပူးလ် အတွက် သတင်းကောင်း အဖြစ် ပီအက်စ်ဂျီဟာ ပုဂ္ဂိုလ်ရေး သဘောတူညီမှု ရယူဖို့ ခက်ခဲနေတဲ့ လိုက်ပ်ဇစ်က ယန် ဒီယိုမန်ဒီ ကို ခေါ်ယူမယ့် အစီအစဉ်ကို စွန့်လွှတ်လိုက်ပါတယ်။ ပီအက်စ်ဂျီက လက်ရှိမှာ ဘုန်းမောက်က ဂျူနီယာ ခရူးပီ ကို အစားထိုး ချိန်ရွယ်နေပါတယ်။
အသက် ၃၉ နှစ် အရွယ် အင်္ဂလန် တိုက်စစ်မှူးဟောင်း ဂျေမီ ဗာဒီ ဟာ သူ့ရဲ့ ကစားသမားဘဝ နောက်ဆုံး အဆင့် အဖြစ် စပိန် ကလပ် ဆိဗီလာ သို့ မထင်မှတ်ဘဲ ပြောင်းရွှေ့ဖို့ ကြိုးပမ်းနေပါတယ်။
အက်စတွန်ဗီလာဟာ မော်ဂန် ရော်ဂျာစ် နေရာမှာ အစားထိုးဖို့ ဝက်စ်ဟမ်း တိုက်စစ်မှူး ခရစ္စဆန်စီယို ဆမ်းမားဗီးလ်ကို ပစ်မှတ်ထားနေပြီး ရိုးမား ကလည်း ဒေါ်လာ ၅၃.၇ သန်းနဲ့ ကမ်းလှမ်းထားပါတယ်။ အစ်ပ်ဆွစ်ချ်တောင်းက ဖူလ်ဟမ်ရဲ့ အိစ်ဆာ ဒီယော့ပ် ကို ဒေါ်လာ ၁၁.၄ သန်းနဲ့ ကမ်းလှမ်းထားသလို၊ စပါးရဲ့ မက်သီ တဲလ် ကိုလည်း တူရကီကလပ် ဂါလာတာဆာရေး က စိတ်ဝင်စားနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
