ပြီးခဲ့တဲ့ စနေနေ့က အဲဗာတန်ကို အနိုင်ရရှိခဲ့တဲ့ ပရီးမီးယားလိဂ် ပွဲစဉ်မှာ လူငယ် ကြယ်ပွင့် မက်စ် ဒေါင်းမန်းဟာ အာဆင်နယ်ရဲ့ သွင်းဂိုး ၂ ဂိုးစလုံး အတွက် ပါဝင် ပတ်သတ်နိုင်ခဲ့ပါတယ်။ သူ သွင်းယူခဲ့သည့် အံ့အားသင့်ဖွယ် တစ်ကိုယ်တော် သွင်းဂိုး ကတော့ ပရီးမီးယားလိဂ် သမိုင်းတစ်လျှောက် အဝေးဆုံး ကနေ ဘောလုံး ဆွဲပြေးကာ သွင်းယူခဲ့တဲ့ သွင်းဂိုး စာရင်းမှာ ပါဝင်သွားခဲ့ပါတယ်။ ဒေါင်းမန်းက သူ့အသင်း ကွင်းဘက်ခြမ်း ကနေပြီး ၆၁.၃ မီတာ အထိ ဘောလုံးကို တစ်ဦးတည်း ဆွဲပြေးကာ သွင်းယူခဲ့တာလည်း ဖြစ်ပါတယ်။
အဲဒီ ပွဲစဉ်မှာ အာဆင်နယ်ရဲ့ နောက်ကျဂိုးနဲ့ ရရှိခဲ့တဲ့ အနိုင်ရလဒ်ဟာ ဒီရာသီ ပရီးမီးယားလိဂ် ချန်ပီယံဆု အတွက် အဆုံးအဖြတ်ပေးမယ့် အခိုက်အတန့် တစ်ခု ဖြစ်လာနိုင်သလို ဒီနိုင်ပွဲကို ပုံဖော်ပေးခဲ့သည့် ကစားသမားက အသက် ၁၆ နှစ်နဲ့ ၃ လသာ ရှိသေးတဲ့ လူငယ်လေး တစ်ဦး ဖြစ်နေခြင်းက ပိုပြီး ထူးခြားစေခဲ့ပါတယ်။
အာဆင်နယ်နဲ့ အဲဗာတန်တို့ ဂိုးမရှိ သရေကျနေချိန်မှာ လူစားဝင်လာတဲ့ မက်စ် ဒေါင်းမန်းက ပွဲရဲ့ အခြေအနေကို လုံးဝ ပြောင်းလဲပစ်နိုင်ခဲ့တယ်လို့ ဆိုရမှာပါ။ သူ့ရဲ့ ဖန်တီးပေးက တစ်ဆင့် ဗစ်တာ ယောကရက်စ်က အဖွင့်ဂိုး သွင်းယူခဲ့သလို၊ နာကျင် အချိန်ပိုမှာလည်း မက်စ် ဒေါင်းမန်း ကိုယ်တိုင် အံ့မခန်း တစ်ကိုယ်တော် ဂိုးသွင်းယူကာ အာဆင်နယ် အတွက် အိမ်ကွင်း အမ်းမရိတ်စ်မှာ ၂-၀ နဲ့ အနိုင်ရလဒ်ကို အတည်ပြုပေးနိုင်ခဲ့ပါတယ်။
ဒီအနိုင်ရလဒ်ကြောင့် အာဆင်နယ်ဟာ ပရီးမီးယားလိဂ် ချန်ပီယံဆု အတွက် အလွန် အရေးပါတဲ့ ရမှတ် ၃ မှတ်ကို ရယူနိုင်ခဲ့ပြီး၊ ဒုတိယနေရာက မန်စီးတီးကို ယာယီ ၁၀ မှတ် အထိ ဖြတ်ထားနိုင်ခဲ့ပါတယ်။ အဲဒီနောက် မန်စီးတီးက ဝက်စ်ဟမ်းနဲ့ သရေကျခဲ့တာကြောင့် လက်ရှိမှာ အာဆင်နယ်က ၉ မှတ် အထိ ဦးဆောင်ထားနိုင်ကာ ချန်ပီယံဆု အတွက် အလားအလာလည်း တော်တော်လေး ကောင်းမွန်သွားပြီ ဖြစ်ပါတယ်။
အချက်အလက်တွေ အရ ဆိုရင် မက်စ် ဒေါင်းမန်းရဲ့ သွင်းဂိုး ကတော့ အကြောင်းရင်း နှစ်ရပ်နဲ့ စံချိန်တင်ခဲ့တာ ဖြစ်ပါတယ်။ ပထမ တစ်ချက်က ဂိုးသွင်းယူချိန်မှာ မက်စ် ဒေါင်းမန်းရဲ့ အသက်က ၁၆ နှစ်နဲ့ ၇၃ ရက်သာ ရှိသေးတာကြောင့် ပရီးမီးယားလိဂ် သမိုင်းတစ်လျှောက် အသက်အငယ်ဆုံး ဂိုးသွင်းရှင် ဖြစ်လာခဲ့ပါတယ်။ သူဟာ နှစ်ပေါင်း ၂၀ ကျော်ကြာ တည်ရှိခဲ့သည့် ဂျိမ်းစ် ဗော့ဂ်ဟန်ရဲ့ စံချိန်ကို ၁၉၇ ရက် စောပြီး ချိုးဖျက်နိုင်ခဲ့တာ ဖြစ်ပါတယ်။
ဒုတိယတစ်ချက် ကတော့ ၂၀၁၅-၂၀၁၆ ရာသီက စတင်ကာ အချက်အလက်တွေကို အသေးစိတ် စုဆောင်းခဲ့တဲ့ မှတ်တမ်းတွေအရ သူ့ရဲ့ ၆၁.၃ မီတာ အထိ ဘောလုံးဆွဲပြေးကာ သွင်းယူခဲ့တဲ့ ဂိုးဟာ ပရီးမီးယားလိဂ် သမိုင်းမှာ (၆) ကြိမ်မြောက် အဝေးဆုံး ဆွဲပြေးတဲ့ ဂိုး ဖြစ်လာခဲ့ပါတယ်။ ဒါကြောင့် ဒေါင်းမန်းရဲ့ စွမ်းဆောင်ရည်ဟာ ဂါဘရီရယ် မာတင်နယ်လီ (၂၀၁၉-၂၀၂၀ တုန်းက ချဲလ်ဆီးနဲ့ ပွဲ) နဲ့ အီဒင် ဟာဇက် (၂၀၁၆-၂၀၁၇ တုန်းက အာဆင်နယ်နဲ့ ပွဲ) တို့ရဲ့ ပြောင်မြောက်တဲ့ သွင်းဂိုးတွေ နည်းတူ မှတ်တမ်းဝင်နိုင်ခဲ့ပါတယ်။
ဒါ့အပြင် ဒေါင်းမန်းက လူစားဝင်ချိန် ၁၆ မိနစ်သာ ရရှိခဲ့ပေမယ့်လည်း ကွင်း အတွင်း ကစားသမား အားလုံးထဲမှာ တစ်ဦးချင်း ကျော်ဖြတ်မှု အများဆုံး ၅ ကြိမ် အထိ ပြုလုပ်နိုင်ခဲ့ပါတယ်။ ဒီလို ခြေစွမ်းပြခဲ့တဲ့ ဒေါင်းမန်းနဲ့ ပတ်သတ်လို့ အာဆင်နယ် နည်းပြ မီခဲလ် အာတေးတားက “သူက ဂိုးသွင်းရုံတင် မဟုတ်ဘဲ ပွဲကိုပါ ပြောင်းလဲပစ်ခဲ့တာပါ။ သူ ဘောလုံးရတိုင်း တစ်ခုခု ဖြစ်တော့မယ့် အတိုင်းပဲ။ ဒီလို ဖိအားတွေ ကြားထဲမှာ ဒီလောက် ငယ်ငယ်ရွယ်ရွယ်နဲ့ ဒါလိုမျိုး လုပ်နိုင်တာဟာ သာမန်တော့ မဟုတ်ပါဘူး။” လို့ Sky Sports ကို ပြောကြားခဲ့ပါတယ်။
အကယ်၍ အာဆင်နယ်သာ ၂၀၀၃-၂၀၀၄ ဘောလုံးရာသီ နောက်ပိုင်း ပထမဆုံးအကြိမ် ပရီးမီးယားလိဂ် ဖလားကို ဆွတ်ခူးနိုင်ခဲ့ရင် ဆယ်ကျော်သက်လေး မက်စ် ဒေါင်းမန်းရဲ့ ဂိုးကတော့ ဒီရာသီရဲ့ အမှတ်ရစရာ အကောင်းဆုံး ပုံရိပ် တစ်ခု အဖြစ် ကျန်ရှိနေတော့မှာ အသေအချာပါပဲ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
